सुनसरीको कोशी गाउँपालिका-७ स्थित राजमार्गमा सवारी दुर्घटना हुँदा १ जनाको मृत्यु भएको छ भने ६ जना घाईते भएका छन । मृत्यु हुनेमा पैदल यात्री स्थानिय १८ बर्षीय श्रवण कुमार मेहता रहेका छन ।  आज बिहान ८ बजे पश्चिम तर्फ गईरहेको को.२ च ३९९२ नम्वरको स्कारपियो गाडीले  पैदल यात्री मेहतालाइ ठक्कर दिई दुर्घटना भएको थियो । दुर्घटनाबाट घाईते भएका पैदल यात्री मेहताको उपचारको क्रममा बिराटनर्सिङ होम बिराटनगरमा मृत्यु भएको हो भने स्कारपियोमा सवार रहेका चालक सहित ६ जनाको सोही अस्पतालमा उपचार भईरहेको छ । घटना सम्वन्धमा जिल्ला प्रहरी कार्यालय सुनसरीबाट थप अनुसन्धान भईरहेको छ ।