उदयपुर कटारी नगरपालिका ३ हडियाका सुर्य बहादुर थापाको ७ बर्षीय छोरा शेर बहादुर थापाको पौडी खेल्ने क्रममा डुबेर मृत्यु भएको छ । हिजो दिउसो ३ बजे सोही स्थानमा रहेको तावा खोलामा उनकै दाजु ११ बर्षीय कृष्ण थापासंगै पौडी खेल्ने क्रममा हराई बेपत्ता भएका थिए । बेपत्ता भएका बालकको खोज तलासको क्रममा राती पौने ८ बजे मृत अबस्थामा फेला परेका थिए । घटना सम्बन्धमा थप अनुसन्धान भईरहेको ईलाका प्रहरी कार्यालय कटारीले जनाएको छ ।