कोशी प्रदेश प्रहरी कार्यालय विराटनगरको सभाहलमा प्रदेश प्रहरी प्रमुख प्रहरी नायव महानिरीक्षक राजन अधिकारीको प्रमुख आतिथ्यतामा फागुन १५ गते दिउँसो भएको कार्यक्रममा तालुक नेपाल प्रहरी प्रधान कार्यालयको पत्रादेशानुसार इलाका प्रहरी कार्यालय कडोरवना, सप्तरी सरुवा भई जान लाग्नु भएका प्रहरी निरीक्षक गजेन्द्र रायलाई कोशी प्रदेश प्रहरी प्रमुख अधिकारीले धन्यवाद तथा शुभकामना व्यक्त गर्नु भएको छ । उक्त कार्यक्रममा प्रहरी वरिष्ठ उपरीक्षक गोबिन्द अधिकारी, प्रहरी उपरीक्षक दिपक पोखरेल लगायत सिनियर प्रहरी अधिकृत तथा जुनियर प्रहरी अधिकृतहरुको उपस्थिति रहेको थियो ।