लागुऔषध सहित १२ जना पक्राउ
२०८१-११-०९
- A
- A-
- A+
कोशी प्रदेशको बिभिन्न स्थानहरुबाट लागुऔषध सहित १२ जनालाई प्रहरीले पक्राउ गरेको छ । फागुन ०८ गते मोरङको बेलबारी नगरपालिका-८ स्थितमा लागुऔषध बिक्री बितरण भईरहेको भन्ने गोप्य सुचनाको आधारमा प्रहरी चौकी बाहुनीगरा मोरङबाट खटिएको प्रहरी टोलीले बेलबारी-८ का २९ बर्षीय श्याम पुकार साह र नवलपरासी घर भइ हाल सोहि स्थानमा बस्दै आएका २२ बर्षीय संगम महत्तोलाईको साथबाट ब्राउन सुगर ७०० मिलिग्राम फेला पारी नियन्त्रणमा लिएको हो भने इलाका प्रहरी कार्यालय रानी मोरङले बिराटनगर महानगरपालिका-१५ बाट प्रतिबन्धित औषधी १८० एम्पुल सहित खोटाङ लिच्किराम्चे गाउँपालिका-९ का २४ बर्षीय भविराज राईलाई नियन्त्रणमा लिएको छ । त्यसैगरी झापाको बिर्तामोड नगरपालिका-५ बाट ३१ बर्षीय मोहमद कलिम, २४ बर्षीय मोहमद अली, बिर्तामोड-४ का ३८ बर्षीय गोपाल क्षेत्री, बिर्तामोड-३ का २९ बर्षीय सुदिप बिश्वकर्मालाई ४५० ग्राम गाँजा सहित अस्थायी प्रहरी पोष्ट बसपार्कले र कमल गाँउपालिका-४ का १८ बर्षीय प्रितम चम्लागाँईलाई औषधी ९२ चक्की सहित दमक-६ बाट इलाका प्रहरी कार्यालय दमकको प्रहरी टोलीले नियन्त्रणमा लिएको हो । त्यस्तै वडा प्रहरी कार्यालय धरान सुनसरीको प्रहरी टोलीले धरान-१५ बाट स्थानीय २३ बर्षीय मन्दिप राई, २५ बर्षीय सन्दिप राई र २२ बर्षीय करण थापालाई ट्रामाडोल ७८५ ट्याब्लेट, स्पास्पेन ८३५ चक्की सहित पक्राउ गरेको हो भने इलाका प्रहरी कार्यालय जलजले उदयपुरले त्रियुगा नगरपालिका-११ का २९ बर्षीय आनन्द देव चौधरीलाई २७ एम्पुल औषधी सहित त्रियुगा-६ बाट पक्राउ गरेको हो । लागुऔषध सहित पक्राउ परेका उनिहरुको थप अनुसन्धान भईरहेको छ ।