सुमो दुर्घटना हुँदा २ महिला सहित ३ जनाको मृत्यु
२०८१-१०-१८
- A
- A-
- A+
ओखलढुंगाको मानेभञ्ज्याङ गाउँपालिका-७ स्थितमा सुमो दुर्घटना हुँदा २ महिला सहित ३ जनाको मृत्यु भएको छ भने चालक घाईते भएका छन् । माघ १७ गते राती खोटाङबाट काठमाण्डौतर्फ जादै गरेको ना.१ ज ६४२१ नम्बरको सुमो सडकबाट करिब १०० मिटर तल खसि दुर्घटना हुँदा सुमोमा सवार खोटाङ केपिलासगढी गाउँपालिका-३ की ५६ बर्षीया माया देवी गुरुङ, उनको छोरा २८ बर्षीय पुजन गुरुङ र दिक्तेल रुपाकोट मझुवागढी नगरपालिका-१२ की ४५ बर्षीय तारा गुरुङको घटनास्थलमानै मृत्यु भएको हो । दुर्घटनामा परि घाईते भएका सुमो चालक सुनसरी ईनरुवाका २२ बर्षीय अनिल पंडीतको भक्तपुर इन्टरनेस्नल हस्पिटलमा प्रहरीको निगरानीमा उपचार भइरहेको र घटना सम्बन्धमा थप अनुसन्धान भईरहेको जिल्ला प्रहरी कार्यालय ओखलढंगाले जनाएको छ ।