कोशी प्रदेश प्रहरी कार्यालय विराटनगरको सभाहलमा FAN (Fight Against Narcotic) Campaign समिक्षा कार्यक्रम सम्पन्न भएको छ । स्वस्थ्य, सभ्य, सदाचारी र अपराध मुक्त समाज निर्माणको लागि लागुऔषध दुर्व्यसनि न्यूनिकरण गर्न जिल्ला प्रहरी कार्यालय सुनसरीले बिक्रम सम्वत २०७५ सालबाट सुरु गरेको अभियानमा FAN जिल्ला कार्य समितिका संरक्षकको रुपमा रहनु भएका सुनसरी जिल्लाका प्रमुख जिल्ला अधिकारी रामचन्द्र तिवारीको प्रमुख आतिथ्यता भएको कार्यक्रममा प्रमुख अतिथि तिवारीले यस अभियानलाई कानूनी, संस्थागत एवं स्वामित्वका हिसावले अझ मजवुद बनाएर लैजानु पर्नेमा जोड दिनुका साथै यस अभियानलाई प्रभावकारी बनाउन आफ्नो तर्फबाट विशेष पहल रहने विश्वास व्यक्त गर्नु भयो ।

उक्त कार्यक्रममा कोशी प्रदेश प्रहरी प्रमुख प्रहरी नायव महानिरीक्षक राजन अधिकारीले लागुऔषध दुर्व्यसन विरुद्ध छरिएर रहेका विभिन्न क्रियाकलापहरुलाई एकिकृत गराई FAN अभियान अन्तरगत समावेश गरी संचालन गरेमा लागुऔषधको प्रयोग तथा ओसार पसार नियन्त्रणमा प्रभावकारीता आउने विश्वास व्यक्त गर्नु भयो ।

उक्त कार्यक्रममा FAN जिल्ला कार्य सम्पादन समिति सुनसरीका वरिष्ठ सल्लाहकार सुनसरी जिल्ला अदालतका अधिवक्ता कृष्ण दहालले समेत आफ्नो धारणा व्यक्त गर्नु भएको थियो भने FAN अभियानको जिल्ला कार्य सम्पादन समितिका संयोजक जिल्ला प्रहरी कार्यालय सुनसरीका प्रहरी नायव उपरीक्षक राम प्रसाद तिमल्सिनाले FAN को गतिविधिको अवधारणाको प्रस्तुति गर्नुका साथै FAN  गतिविधिलाई व्यवस्थित गर्नका लागी कार्यविधि र आगामी कार्यक्रमहरुको कार्ययोजनाका सम्बन्धमा प्रस्तुतिकरण गर्नु भएको थियो ।

कार्यक्रममा जिल्ला प्रहरी कार्यालय सुनसरी,मोरङका प्रहरी प्रमुख तथा प्रहरी अधिकृतहरु सहित FAN जिल्ला कार्य सम्पादन समितिका पदाधिकारीहरुको उपस्थिति रहेको थियो ।