बृहत नि:शुल्क स्वास्थ्य शिविर संचालन
२०८१-०६-२०
- A
- A-
- A+
तेह्रथुमको छथर गाउँपालिका-२ स्थितमा कोशी प्रदेश प्रहरी अस्पताल इनरुवा, सुनसरीको आयोजनामा बृहत निःशुल्क स्वास्थ्य शिविर संचालन गरिएको छ । असोज १९ गते तेह्रथुमको छथर अस्पताल शुक्रवारेमा ६९ औ प्रहरी दिवसको अवसरमा कोशी प्रदेश प्रहरी तालिम केन्द्र बिराटनगरका समादेशक प्रहरी वरिष्ठ उपरीक्षक अभिनारायण काफ्लेको अध्यक्षता तथा छथर गाउँपालिका अध्यक्ष सन्तबिर लिम्बुको प्रमुख आतिथ्यतामा १ दिने नि:शुल्क स्वास्थ्य शिविर संचालन गरिएको हो ।
उक्त स्वास्थ्य शिविरमा कोशी प्रदेश प्रहरी अस्पतालका डाक्टर प्रहरी नायव उपरीक्षक सरोज सिंह लगायत जनरल फिजिसियन, वरिष्ठ दन्त मुख तथा अनुहार शल्यचिकित्सक, भिटिटिङ कन्सलटेन्ट, नवजात शिशु तथा वालरोग विशेषज्ञ, अर्थोपेडिक बिशेषज्ञ, प्रसुती तथा स्त्री रोग विशेषज्ञ सहित १७ जना डाक्टरहरुको टोलीले मुटु रोग, छाती, पेट, श्वासप्रश्वास, मधुमेह, थाईराईड चेक जाँच तथा परामर्श, हाड जोर्नी, प्रसुती तथा स्त्री रोग, नाक, कान, घाँटी तथा दन्त रोग, इ.सि.जि. सेवा, रगत, पिसाव, सुगरको जाँच सहितको स्वास्थ्य सेवा उपलव्ध गराएका थिए ।
स्वास्थ्य शिविरबाट महिला-१९६ जना र पुरुष-१२६ जना गरी ३२२ जना स्थानियबासीहरु लाभान्वित भएका थिए भने बिरामीहरुलाई निःशुल्क औषधी समेत वितरण गरिएको थियो ।