कोशी प्रदेश प्रहरी प्रमुख प्रहरी नायव महानिरीक्षक चन्द्र कुबेर खापुङज्यूबाट मिति २०८१ असार १२ गते जिल्ला प्रहरी कार्यालय संखुवासभाको अनुगमन तथा निरीक्षण भ्रमण भएको छ । निरीक्षण भ्रमणको क्रममा वहाँले कार्यालय तथा सम्पुर्ण शाखाहरुको निरीक्षण गर्नुका साथै कार्यरत सम्पुर्ण प्रहरी अधिकृत तथा जवानहरुलाई आवश्यक निर्देशन दिनु भएको छ । सोही क्रममा दैनिक काम कारवाहीलाई चुस्त, दुरुस्त बनाई आपराधिक गतिविधि, लागुऔषधको प्रयोग तथा ओसार पसार, चोरी तस्करीका घटनाहरुलाई नियन्त्रण गर्न निर्देशन दिनु भयो । त्येस्तै प्रहरी ऐन, २०१२,  प्रहरी नियमावली, २०७१ (संशोधन सहित)  तथा प्रहरी आचार संहिता, २०७७ मा भएका व्यवस्थाहरुलाई अक्षरस पालना गर्न तथा आफुमा निहित ज्ञान, सिप, कौशल र अनुभव एवं जिम्मेवारीलाई गुणस्तरीय रूपमा सम्पादन गर्दै संगठनको श्रीवृद्धि गर्ने कार्यमा सकारात्मक सोचकासाथ कार्य सम्पादन गर्न निर्देशन दिनु भयो । साथै स्थानिय स्तरमा ब्यापकरुपमा समुदाय प्रहरी साझेदारी अन्तर्गत सचेतनामुलक कार्यक्रमहरु गर्न समेत निर्देशन दिनु भयो ।

उक्त अवसरमा जिल्ला प्रहरी कार्यालय संखुवासभाका प्रहरी नायब उपरीक्षक घनश्याम श्रेष्ठले संखुवासभा जिल्लाको समग्र शान्ति सुरक्षा अवस्थाको बारेमा प्रदेश प्रहरी प्रमुख प्रहरी नायब महानिरीक्षकज्यू समक्ष प्रस्तुतिकरण गर्नु भयो ।