लागुऔषध सहित ६ जना पक्राउ

२०८१-०२-२५

A
A^-
A⁺

झापा, मोरङ र सुनसरी जिल्लाको छुट्टा छुट्टै स्थानबाट प्रतिवन्धित लागुऔषध ब्राउन सुगर र निषेधित औषधी सहित ६ जनालाई प्रहरीले पक्राउ गरेको छ । हिजो झापाको दमक नगरपालिका ४ कि ४८ बर्षीया गायत्रा गौतमले लागु औषध संचित गरी विक्री वितरण गरिरहेको भन्ने बिशेष सुचनाको आधारमा इलाका प्रहरी कार्यालय दमक र लागु औषध नियन्त्रण व्युरो काकडभिट्टाबाट खटिएको प्रहरी टोलीले उनको घरमा खानतलासी गर्दा ९ ग्राम ५३० मिलिग्राम ब्राउन सुगर र ३ लाख ३६ हजार ४ सय रुपैया वरामद भए संगै लागुऔषध सहित नियन्त्रणमा लिएको छ । यसै गरी कोशी प्रदेश प्रहरी कार्यालय बिराटनगरको प्रादेशिक अनुसन्धान समूहको टोलीले मोरङको बेलबारी २ स्थित बिश्वास उपचार क्लिनिकका संचालक भारत कलकत्ताका २५ बर्षीय नयन बिश्वासलाई व्राउन सुगरको कारोवार गर्दै गरेको अवस्थामा ५८० मिलिग्राम र स्थानि २४ बर्षीय दाबुद मोहमदलाई १६० मिलिग्राम ब्राउन सुगर सहित नियन्त्रणमा लिएको छ भने इलाका प्रहरी केराबारीबाट खटिएको प्रहरी टोलीले केराबारी ८ का १९ बर्षीय सनम लिम्बु र ३९ बर्षीय यज्ञ बहादुर श्रेष्ठलाई निषेधित औषधी स्पासरेट ४५१ ट्याब्लेट, ट्रमाडोल ४५० ट्याब्लेट सहित नियन्त्रणमा लिएको छ । सोही दिन इलाका प्रहरी कार्यालय धरानबाट खटिएको प्रहरी टोलीले धरान १७ का ३७ बर्षीय भुपाल न्यौपानेलाई ट्रामाडोल १२०० क्याप्सुल र ब्राउन सुगर १२ ग्राम सहित उनकै घरबाट नियन्त्रणमा लिएको छ । लागुऔषध सहित पक्राउ परेका उनिहरुको सम्बन्धित प्रहरी कार्यालयबाट थप अनुसन्धान भईरहेको छ ।

सम्बन्धित समाचार

लागूऔषध सहित २ जना पक्राउ

२०८२-०४-१८

सुनसरीको धरान उपमहानगरपालिका १५ स्थितबाट लागूऔषध तथा नियन्त्रित औषधी सहित २ जनालाई पक्राउ गरिएको छ । पक्राउ पर्नेमा सोही स्थानका ३६ बर्षीय हेम बहादुर तामाङ र धनकुटा घर भई धरान उपमहानगरपालिका २६ बस्ने २८ बर्षीय मिलन थापा रहेका छन् । हिजो राती साँढे ८ बजे इलाका प्रहरी कार्यालय धरान र अस्थाई प्रहरी पोष्ट बरगाछीबाट खटिएको प्रहरी टोलीले उनिहरुलाई लागूऔषध ट्रामोल २९१० क्याप्सुल र नियन्त्रित औषधी डिकोलिन २९५० ट्याब्लेट सहित पक्राउ गरेको हो । पक्राउ परेका दुवै जनाको इलाका प्रहरी कार्यालय धरानबाट थप अनुसन्धान भईरहेको छ ।

३०० ग्राम लागू औषध ब्राउन सुगर सहित २ जना पक्राउ

२०८२-०४-१७

झापाको कन्काई नगरपालिका-३ सुरुङगा स्थित टेम्पु स्टेण्डबाट ३ सय ग्राम लागू औषध ब्राउन सुगर सहित २ जनालाई प्रहरीले पक्राउ गरेको छ । साउन १६ गते इलाका प्रहरी कार्यालय सुरुङ्गाबाट बिशेष सूचनाको आधारमा खटिएको प्रहरीको टोलीले कन्काई नगरपालिका-३ सुरुङगा टेम्पु स्टेण्ड स्थितमा चेकजाँचको क्रममा सिन्धुलीको भिमान नगरपालिका-१० का २६ बर्षीय बिनोद बि.क. र झापाको झापा गाउँपालिका-३ की २४ बर्षीया प्रेमकला महतोलाई ३ सय ग्राम लागू औषध ब्राउन सुगर सहित नियन्त्रणमा लिएको हो । पक्राउ परेका दुबैजनाको इलाका प्रहरी कार्यालय अनारमनीबाट थप अनुसन्धान भई रहेको छ ।

खुकुरी प्रहार गरी भाईको हत्या गर्ने दाजु पक्राउ

२०८२-०४-१७

ताप्लेजुङको आठराई त्रिबेणी गाउँपालिका-४ आहालेका २२ बर्षीय मन कुमार बि.क.लाई आफ्नै भाईको हत्या गरेको आरोपमा प्रहरीले पक्राउ गरेको छ । साउन १६ गते साँझ ६ बजे दाजु भाई बिच सामान्य बाद-बिबादको क्रममा दाजु मन कुमार बि.क.ले आफ्नै भाई २० बर्षीय रोशन बि.क.लाई खुकुरी प्रहार गर्दा रोशन बि.क.को घटनास्थलमा नै मृत्यु भएको थियो । घटनाको जानकारी प्राप्त हुनासाथ तत्काल इलाका प्रहरी कार्यालय दोभानबाट खटिएको प्रहरी टोलीले मन कुमार बि.क.लाई खुकुरी सहित नियन्त्रणमा लिएको छ । खुकुरी प्रहार गरी भाईको हत्या गर्ने बि.क.को जिल्ला प्रहरी कार्यालय ताप्लेजुङबाट थप अनुसन्धान तथा कानूनी कारवाही भईरहेको छ ।

लागू औषध सहित ६ जना पक्राउ

२०८२-०४-१६

सुनसरी र झापाबाट लागू औषध सहित ६ जनालाई प्रहरीले पक्राउ गरेको छ । साउन १५ गते सुनसरीको इलाका प्रहरी कार्यालय धरानले चेकजाँचको क्रममा धनकुटा साँगुरीगढी -८ का बिरेन राई र मोहन राईलाई २३ किलो ८४० ग्राम गाँजा सहित र इटहरी -७ का कार्लोस रिजाललाई २५० मिलिग्राम ब्राउन सुगर सहित नियन्त्रणमा लिएको छ भने इलाका प्रहरी कार्यालय पकलीले भोजपुर हतुवागढीका बिसु राई र निनोस राईलाई १ किलो २०० ग्राम गाँजा सहित नियन्त्रणमा लिएको छ । यसै गरी प्रहरी चौकी रामगंज बेलगछियाबाट खटिएको प्रहरी टोलीले दुहबी नगरपालिका-१२ स्थितमा वेवारिसे अवस्थामा रहेको प्रदेश १-०२-०४९ प ३८९१ नम्वरको मोटरसाईकलमा २० किलोग्राम गाँजा बरामद गरेको छ । झापाको अस्थायी प्रहरी चौकी मंगलबारेले बुद्दशान्ती-४ का लक्ष्मी कुमार घिसिङलाई ३६० ग्राम गाँजा सहित पक्राउ गरेको छ । लागूऔषध सहित पक्राउ परेका उनिहरुको थप अनुसन्धान भईरहेको छ ।

श्रीमतीको हत्या गरेको अभियोगमा पक्राउ

२०८२-०४-१६

पाँचथर, आफ्नै श्रीमती २२ वर्षीया अनु राईको हत्या गरेको अभियोगमा फालेलुङ गाउँपालिका-७ आहाले बस्ने २७ वर्षीय महेन्द्र तामाङलाई शुक्रबार बिहान प्रहरीले पक्राउ गरेको छ । फिदिम नगरपालिका-१ नाम्दुस्थित ससुराली घरमा बिहीबार राति महेन्द्रले कोदालोको पासो प्रहार गर्दा अनु गम्भीर घाइते भएको भन्ने खबर प्राप्त हुनासाथ जिल्ला प्रहरी कार्यालय पाँचथरबाट खटिएको प्रहरीले उनलाई उपचारको लागि जिल्ला अस्पताल पाँचथर पठाएकोमा उनको बिएण्डसी अस्पताल बिर्तामोडमा थप उपचारको क्रममा शुक्रबार बिहान मृत्यु भएको थियो । साथै सोही कार्यालयबाट खटिएको प्रहरीले महेन्द्रलाई फिदिम नगरपालिका-६ गोलेगाउँबाट पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

प्रतिवन्धित लागूऔषध ब्राउन सुगर सहित १ जना पक्राउ

२०८२-०४-१५

झापाको भद्रपुर नगरपालिका-३ स्थितबाट प्रतिवन्धित लागूऔषध ब्राउन सुगर सहित १ जना पक्राउ परेका छन् । साउन १४ गते प्रहरी चौकी मेचीपारीबाट खटिएको प्रहरी टोलीले चेकजाँचको क्रममा मे. ६ प २५८२ नम्बरको मोटरसाईकल चालक हल्दिवारी-२ का २३ बर्षीय राजिब कुमार राजवंशीलाई ब्राउन सुगर १ ग्राम ४४ मिलिग्राम सहित पक्राउ गरेको हो । पक्राउ परेका उनको थप अनुसन्धान भईरहेको छ ।