झापा र मोरङ जिल्लाको छुट्टा छुट्टै स्थानहरुबाट शुक्रवार बिभिन्न मुद्धाका आठ जना फरार प्रतिवादीहरुलाई प्रहरीले पक्राउ गरेको छ । फरार प्रतिवादी पक्राउ अभियान अन्तरगत ईलाका प्रहरी कार्यालय रंगेलीबाट खटिएको प्रहरी टोलीले केहि सार्वजनकि अपराध मुद्धामा सम्मानित मोरङ जिल्ला अदालतको मिति २०७३।०२।०२ गतेको फैसला आदेशले १५ सय रुपैँया जरिवान रहि फरार रहेका रंगेली- ४ का ४९ बर्षीय परमेश्वर मुर्मु, सोहि मुद्धामा मिति २०७२।१२।०५ गतेको फैसलाले १५ सय रुपैँया जरिवान रहि फरार रहेका रंगेली- २ का ३५ बर्षीय वावुजी हस्दा, गाली वेइज्जती मुद्धामा मिति २०७५।१२।२६ गते फैसलाले ५ सय रुपैँया जरिवाना भएका सुनवर्षी- ९ का ६७ बर्षीय अश्मिना भन्ने यासमिन मियाँ, सोहि मुद्धाका  ५ सय रुपैँया जरिवान भएका ४२ बर्षीय सकिर मियाँ र सम्बन्ध विच्छेद मुद्धामा मिति २०६६।०७।११ गते फैसलाले २० रुपैँया जरिवाना रहि फरार रहेका जहदा- ४ का ६२ बर्षीय शिव नारायण ठाकुरलाई खोजतलास गर्ने क्रममा गाउँघरमानै लुकिछिपी बसेको अवस्थामा फेला पारी पक्राउ गरेको हो । त्यस्तै चोरी  मुद्धामा सम्मानित मोरङ जिल्ला अदालतको लगत नम्बर ३६४३ ले नगद ५ हजार र ३६६४ ले ४ हजार ९ सय रुपैँया रहि फरार भएका बिराटनगर- १६ का ३९ बर्षीय दिलिप रायलाई ईलाका प्रहरी कार्यालय रानीबाट खटिएको प्रहरी टोलीले पक्राउ गरेको हो । यसैगरी वन पैदवार तथा ओसारपसार मुद्धामा सम्मानित मोरङ जिल्ला अदालतको मिति २०७४/०४/२० गतेको फैसलाले नगद २१ हजार ४ सय ३४ रुपैँया तोकिएका फरार प्रतिवादि सुन्दरहरैचा- १० का ३६ बर्षीय  केशर तामाङलाई ईलाका प्रहरी कार्यालय बिराटचौकबाट खटिएको प्रहरी टोलीले पक्राउ गरेको हो । चोरी मुद्धामा सम्मानित झापा जिल्ला अदालत झापाको मिति २०८०।०३।०७ गतेको फैसला आदेशले ३ महिना १५ दिन कैद र नगद ७ हजार रुपैँया जरीवना रहि फरार रहेका भद्रपुर- ८ का २६ बर्षीय आर्यन भन्ने कासिम शेखलाई जिल्ला प्रहरी कार्यालय झापाबाट खटिएको प्रहरी टोलीले पक्राउ गरेको हो । पक्राउ परेका उनिहरुलाई सम्मानित जिल्ला अदालतहरुमा उपस्थित गराइएको छ ।