लागुऔषध सहित ४ जना पक्राउ
२०८०-०७-२६
- A
- A-
- A+
मोरङको बिराटनगर महानगरपालिका-१६ र ११ स्थितबाट प्रतिबन्धित लागुऔषध ब्राउनसुगर र औषधी सहित चार जनालाई प्रहरीले पक्राउ गरेको छ । हिजो दिउँसो लागुऔषध नियन्त्रण ब्युरो बिराटनगरबाट खटिएको प्रहरी टोलीले चेकजाँच गर्ने क्रममा भारतबाट नेपालतर्फ आउदै गरेका पैदल यात्री बिराटनगर- ४ का २८ बर्षीय आषिष कुमार भगत र भारत जोगवनीका १२ बर्षीय बालक समेतको साथबाट ४ ग्राम ६० मिलिग्राम ब्राउनसुगर, DIALEX DC २ बोतल, नाईट्रोसन १० ट्याप्लेट र १२ हजार नेपाली नगद सहित पक्राउ गरेको हो भने बिराटनगर-११ महेन्द्रचौकबाट पथरिशनिश्चरे- १० का २१ बर्षीय सुमन राई र आयुष क्षेत्रीको साथबाट डाइजोपाम, लुपिजेशिक, एभिल र नाईट्रोजापाम समेत गरी २० एम्पुल प्रतिबन्धित औषधी बरामद गरेको हो ।
प्रतिबन्धित लागुऔषध सहित पक्राउ परेका उनिहरुको सम्बन्धित प्रहरी कार्यालयबाट थप अनुसन्धान भईरहेको छ ।