रुखको हाँगाले लागेर एक जनाको मृत्यु
२०८०-०७-२५
- A
- A-
- A+
ताप्लेजुङ सिरिजङघा गाउँपालिका-३ ओसे स्थितमा रुख काट्ने क्रममा रुखको हाँगाले लागेर एक जनाको मृत्यु भएको छ । मृत्यु हुनेमा याङवरक गाउँपालिका-४ का ३२ बर्षीय सुमन लिम्बु रहेका छन् । हिजो दिउँसो २ बजे मेसिनले रुख काट्ने क्रममा रुखको हांगा झरी टाउकोमा लाग्दा लिम्बुको घट्नास्थलमा नै मृत्यु भएको थियो । घटना स्थलमा ईलाका प्रहरी कार्यालय तेल्लोकबाट प्रहरी निरीक्षकको टोली खटि मृतक लाशलाई पोष्टमार्टमको लागि जिल्ला अस्पताल पठाएको र घटना सम्बन्धमा अन्य थप अनुसन्धान भईरहेको जिल्ला प्रहरी कार्यालय ताप्लेजुङले जनाएको छ ।