झापा र सुनसरीको छुट्टा छुट्टै स्थानमा सवारी दुर्घटना हुँदा ३ जनाको मृत्यु भएको छ । हिजो बिहान बिर्तामोड नगरपालिका-२ स्थित राजमार्गमा पुर्वबाट पश्चिम तर्फ जाँदै गरेको प्र.१-०१-००१ ज ३७६० नम्बरको EV गाडीले पैदलयात्री स्थानीय ५५ बर्षीय गंगा प्रसाद राजवंशीलाई ठक्कर दिँदा उनको घटना स्थलमानै मृत्यु भएको हो । त्यसै गरी राती ९ बजे झापाको कन्काई नगरपालिका-८ स्थित पुर्व पश्चिम राजमार्गमा को. १ च ७८३९ नम्बरको स्कारपियो र बिपरित दिशाबाट आउदै गरेको मे.१० प १६६९ नम्बरको मोटरसाईकल आपसमा ठक्कर लागि दुर्घटना हुँदा घाईते भएका मोटरसाईकलमा सवार कमल गाउँपालिका-६ का १८ बर्षीय अनिल मडीलाई उपचारको लागि B&C अस्पताल बिर्तामोड लगिएकोमा अस्पताल पुर्‍याउनासाथ उनको मृत्यु भएको हो । दुर्घटनामा संलग्न सवारी साधन र चालकहरुलाई प्रहरीले नियनन्त्रणमा लिई थप अनुसन्धान गरिरहेको छ । यसै गरी राती साढे ११ बजे सुनसरीको दुहबी नगरपालिका- ७  स्थित भित्री सडक खण्डमा को. ३८ प ५८८४  नम्बरको मोटरसाईकल आफै अनियन्त्रित भई सडकबाट खोलामा झरी  दुर्घटना हुँदा घाईते भएका चालक दुहबी-७ का २४ बर्षीय कृष्ण चौधरी र पछाडि सवार २१ बर्षीय निराजन चौधरीलाई उपचारको लागि बिराट टिचिङ अस्पताल लगिएकोमा उपचारको क्रममा निराजन चौधरीको मृत्यु भएको हो ।