लागुऔषध सहित ५ जना पक्राउ
२०८०-०७-२१
- A
- A-
- A+
मोरङ र ईलामको छुट्टा छुट्टै स्थानबाट लागुऔषध ब्राउनसुगर र प्रतिबन्धित औषधी सहित पाँच जनालाई प्रहरीले पक्राउ गरेको छ । हिजो राती साढे ९ बजे इलामको चुलाचुली गाउँपालिका-५ स्थितमा प्रहरी चौकी पेल्टिमारीबाट खटिएको प्रहरी टोलीले स्थानीय २७ बर्षीय मनिष बराईली र २२ बर्षीय बबिन बराईलीलाई संका लागि चेकजाँच गर्दा ४ ग्राम ४० मिलिग्राम ब्राउन सुगर फेला पारेकोले पक्राउ गरेको हो ।
त्यसैगरी मोरङको बिराटनगर महानगरपालिका-१६ स्थितमा भारतबाट नेपालतर्फ आउदै गरेको पैदल यात्री सुनसरी धरान उप-महानगरपालिका-१३ का ३५ बर्षीय कुल बहादुर सुनुवारलाई लागुऔषध नियन्त्रण ब्युरो बिराटनगरबाट खटिएको प्रहरी टोलीले संका लागि चेकजाँच गर्दा उनको साथबाट बिभिन्न प्रकारका प्रतिबन्धित औषधी ५२ एम्पुल सहित नियन्त्रणमा लिएको हो भने जिल्ला प्रहरी कार्यालय मोरङबाट खटिएको प्रहरी टोलीले बिराटनगर-१२ रोडशेषबाट बिराटनगर-६ का २५ बर्षीय पिन्टु कामत, सिरहाका २२ बर्षीय जय प्रकाश पासवान र उदयपुरका २५ बर्षीय रजनिकान्त चौधरील समेतलाई प्रतिवन्धित औषधी ८ पिस सहित पक्राउ गरेको हो ।
पक्राउ गरेका उनिहरुको सम्बन्धित प्रहरी कार्यालयहरुबाट थप अनुसन्धान भईरहेको छ ।