कोशी प्रदेश प्रहरी कार्यालय अन्तरगत रहेका प्रहरी प्रमुखहरुलाई Virtual माध्यमद्धारा निर्देशन
२०८०-०७-१३
- A
- A-
- A+
कोशी प्रदेश प्रहरी प्रमुख प्रहरी नायव महानिरीक्षक राजेशनाथ बास्तोलाले प्रदेश प्रहरी कार्यालय अन्तरगत रहेका प्रहरी कार्यालय प्रमुखहरुलाई Virtual माध्यमद्धारा निर्देशन दिनु भएको छ । Virtual निर्देशनको क्रममा वाहाँले नेपालीहरुको महान चाड बडा दशै शान्त पुर्वक वातावरणमा सम्पन्न भएको बताउनु हुदै प्रत्यक्ष वा अप्रत्यक्ष रुपमा शान्ति सुरक्षामा खटिने सम्पुर्ण प्रहरी कर्मचारीहरुलाई बिशेष धन्यवाद ब्यक्त गर्नु भएको छ ।
कोशी प्रदेश प्रहरी कार्यालय बिराटनगरको “सुरक्षा सुनिश्चितता अभियान २०८०” अन्तरगत चाडपर्व बिशेष सुरक्षा योजना अनुसार आउँदै गरेको तिहार तथा छैठ पर्वको समयमा हुनसक्ने अवान्छित गतिबिधि लगायत बिभिन्न अपराधिक घटनाहरुलाई निरुत्साहित गर्न सुरक्षा योजना बमोजिम प्रहरी परिचालन गरी शान्ति सु-ब्यबस्था कायम गर्न जिल्ला प्रहरी प्रमुखहरुलाई निर्देशन दिनु भएको छ ।
चाडपर्वको समयमा हुन सक्ने कालोबजारी नियन्त्रण गर्न सरोकारवाला निकायहरुसंग समन्वय गरी बजार अनुगमन गर्ने ब्यबस्था मिलाउन, भन्सार छली तथा चोरी निकासी पैठारी नियन्त्रण र पटकाजन्य बस्तुको ओसारपसार नियन्त्रणमा सिमावर्ती एरिया इलाकाहरुमा प्रहरीको सक्रियाता वढाई तालिम प्राप्त कुकुर सहितको प्रहरी टोलीद्वारा चेक जाँचको व्यवस्था मिलाउन र सवारी दुर्घटना न्युनिकरणका लागी ट्राफिक र जनपद प्रहरीको संयुक्त जनशक्ति परिचालन गरी चेकजाँचलाई ब्यबस्थित र मर्यादित बनाई दुर्घटना न्युनिकरणका लागि सवारी चालक तथा यात्रु लक्षित सचेतनामुलक कार्यक्रम समेत संचालन गर्न समेत निर्देशन दिनु भएको छ ।
लागुऔषधको नियन्त्रण, चोरी, पाकेटमारी, जुवातासजन्य गतिबिधि नियन्त्रण, मादकपदार्थ सेवन गरी हुने झै-झगडा तथा होटलहरुमा हुने अवान्छित क्रियाकलाप नियन्त्रणको लागि चोक, बजार भिडभाड हुने स्थानमा पैदल गस्ती, मोवायल गस्ती तथा सादा पोशाकमा प्रहरी परिचालन गर्न निर्देशन दिनु भएको छ ।
साथै वहाले प्रहरीले आफ्नो पदिय जिम्मेवारी त्रुटि रहित तवरबाट पुरा गर्न र शुन्य सहनशिलताको नितीलाई अक्षरस पालना गरी प्रहरी आचरण र व्यवहारलाई शभ्य, शिष्ट र मर्यादित बनाई कानूनको परिधिमा रही जन-चाहाना बमोजिमको सुरक्षा ब्यबस्था मिलाउन समेत निर्देशन दिनु भयो ।