कोशी प्रदेशमा चाडपर्वलाई सुरक्षित बनाउन थप प्रहरी परिचालन

२०८०-०७-०४

A
A^-
A⁺

कोशी प्रदेश प्रहरी कार्यालय बिराटनरले चाडपर्वलाई सुरक्षित बनाउन चाड पर्व सुरक्षा कार्य योजना २०८० अनुसार थप प्रहरी परिचालन गरेको छ । चाड पर्व सुरक्षा कार्य योजना अनुसार कोशी प्रदेश प्रहरी कार्यालय बिराटनगरले प्रदेशमा ७ हजार ५ सय १५ जना प्रहरी जनशक्ति परिचालन गरेको छ । जिल्लाको सुरक्षा व्यवस्थालाई मजवुद बनाई आम नागरिकमा सुरक्षित र भयरहित तवरबाट चाड पर्व हर्ष र उल्लासका साथ मनाउने वातावरण सृजना गर्न, बैङ्क तथा बितिय संघ संस्थाहरुमा हुने कारोवार सुरक्षित बनाउन, बिभिन्न गन्तब्य सम्म जाने यात्रुहरुलाई पूर्ण सुरक्षाको प्रत्याभूती दिलाउन र कुनै किसिमको अप्रिय घटना, दुर्घटना हुन नदिन चाड पर्व सुरक्षा योजना तयार गरी दुरुस्त र योजनाबद्धरुपमा प्रहरी परिचालन गरेको हो ।

चाड पर्वको समयमा हुन सक्ने अवान्छित/ अपराधिक क्रियाकलाप रोकथाम तथा नियन्त्रण र बिगतको घटनालाई विश्लेषण गरी चाडपर्व लक्षित सुरक्षा योजना अनुसार प्रदेश स्तरिय कमाण्ड पोष्ट स्थापना गरी १४ वटै जिल्लाहरुमा जिल्ला कमाण्ड पोष्ट स्थापना गरी प्रहरी परिचालन गरेको छ । यसै गरी प्रदेश रिजर्भ टोली ४ वटा र जिल्ला रिजर्भ टोली २६ वटा र जिल्लाहरुमा १७ वटा स्ट्राईकिङ टोली तयार गरी परिचालन गरिएको छ । जिल्लाहरुमा शान्ति सुरक्षाको निम्ति बिशेष चेकिङ, नियमित चेकिङ, रात्री कालिन चेकिङ, ट्राफिक सहित संयुक्त चेकिङ, मोवायल गस्ती, पैदल गस्ती, मोटरसाईकल गस्ती, साईकल गस्ती तथा बिभिन्न स्थानमा पिकेट ड्युटी खटाई सुरक्षा व्यवस्था मजवुद बनाईएको छ ।

बजार एरिया,बैङक, बितिय संघ संस्था एकान्त ठाउँ, मानिसको बढी भिडभाड हुने स्थानहरुमा शान्ति सुरक्षाको निम्ति पैदल तथा मोवायल गस्ती र सादा पोशाकमा परिचालन गरिएको छ भने चोक बजार लगायत बिभिन्न स्थानमा रहेका CC TV को निगरानी समेत बढाईएको छ । अन्तराष्ट्रिय सिमानाका तथा अन्तर जिल्लाका नाकाहरुमा अवैध सामान तथा बिष्फोटक पदार्थ भित्रिन नदिन मुख्य नाका तथा संकास्पद स्थानहरुमा तालिम प्राप्त कुकुर सहितको प्रहरी टोली परिचालन गरी संकित ब्यक्ति तथा सवारी साधनहरुमा कडाईका साथ चेकजाँचको ब्यवस्था मिलाईएको छ । सवारी दुर्घटना न्युनिकरण, यात्रु सहजिकरण तथा यात्रुहरु ठगिन नदिन यात्रु सहायता कक्षको स्थापना गरी संचालनमा ल्याईनुको साथै राजमार्गहरुमा २४ सै घण्टा संयुक्तरुपमा ट्राफिक प्रहरी सहितको बिशेष चेकिङ गरिदै आएको छ ।

सरकारी कार्यालय, महत्वपूर्ण प्रतिष्ठान, धार्मिक स्थल, उधोग कलकारखानाहरुको सुरक्षाको निम्ति आवश्यक पैदल तथा मोवायल गस्ती सहित थप प्रहरी परिचलान गरिएको छ भने पहाडी भेगहरुमा शान्ति सुरक्षाको निम्ति लामो तथा छोटो ग्रामिण गस्ति, बजार गस्ती, खवर संकलन समेत गरी सुरक्षा व्यवस्था मजवुद बनाईएको छ । यसै गरी बजारमा खाधान्न लगायत अत्यावश्यक उपभोग्य वस्तुको बिक्रि बितरण सहज बनाउन सरोकारवाला निकायसंग समन्वय गरी बजार अनुगमन समेत गरिदै आईरहेको छ ।

यसै गरी चाड पर्वको समयमा हुन सक्ने अपराधिक गतिविधि लगायत बिभिन्न घटना दुर्घटनाबाट मानविय तथा भौतिक क्षति न्युनिकरणको लागि कोशी प्रदेश प्रहरी कार्यालय तथा अन्तरगत रहेका जिल्ला प्रहरी कार्यालयहरु समेतले सचेतनाको लागि रेडियो, टेलिभिजन तथा बिभिन्न पत्र पत्रिका मार्फत सुरक्षा सम्वन्धि सचेतनामुलक जानकारी समेत गराउदै आईरहेको छ ।

सम्बन्धित समाचार

लागू औषध ब्राउन सुगर सहित १२ जना पक्राउ

२०८१-१२-२१

झापा र सुनसरीको विभिन्न स्थानहरुबाट लागू औषध ब्राउन सुगर सहित प्रहरीले १२ जनालाई पक्राउ गरेको छ । चैत्र २० गते दिउँसो सुनसरीको कोशी गाउँपालिका-१ स्थितबाट लागू औषध नियन्त्रण ब्यूरो बिराटनगर र इलाका प्रहरी कार्यालय लौकही सुनसरीबाट खटिएको प्रहरी टोलिले चेकजाँचको क्रममा ईटहरी उप-महानगरपालिका-१६ का ३४ बर्षीय मनोज कुमार चौधरीलाई २७ ग्राम २७ मिलिग्राम र ईटहरी-६ का २३ बर्षीय सनम तामाङलाई २६ ग्राम, ईटहरी-२ का २७ बर्षीय निरज लिम्बु, २२ बर्षीय सन्दिप मगरलाई ३ ग्राम ५६ मिलिग्राम, सुनसरी रामधुनी-९ का १६ बर्षीय आदित्या चौधरीलाई २ ग्राम १ मिलिग्राम, रामधुनी- का २६ बर्षीय मनिष चौधरीलाई २ ग्राम ५६ मिलिग्राम, धरान-१७ का २८ बर्षीय बेगराज लिम्बु र ३४ बर्षीय सागर राईलाई ३ ग्राम १३ मिलिग्राम, रानधुनी-५ का २६ बर्षीय बिज्ञान साहलाई ३५ ग्राम ८८ मिलिग्राम ब्राउन सुगर सहित पक्राउ गरेको छ भने सुनसरी हरिनगर-१ स्थितमा प्रहरी चैकी भुटाहाबाट खटिएको प्रहरी टोलिले सोही स्थनाका २०बर्षीय प्रकाश कुमार दाश र २२ बर्षीय रितेश कुमार मण्डललाई प्रतिबन्धित लागु औषधी नाईट्राजेपाम-१२० ट्याब्लेट सहित पक्राउ गरेको छ । त्यसैगरी झापाको अस्थायी प्रहरी पोष्ट नयाँ बसपार्क झापाबाट गस्तिमा खटिएको प्रहरी टोलिले बिर्तामोड नगरपालीका-४ का ३२ बर्षीय बिकी साहलाई ३४० मिलिग्राम ब्राउन सुगर सहित पक्राउ गरेको छ । लागू औषध ब्राउन सुगर सहित पक्राउ परेका उनिहरुको थप अनुसन्धान भईरहेको छ ।

दुर्व्यसन विरुद्दको अभियान प्रशिक्षक प्रशिक्षण तालिम तेस्रो समुहको समापन

२०८१-१२-२१

कोशी प्रदेश प्रहरी कार्यालय विराटनगरले संचालन गरेको १ दिने दुर्व्यसन विरुद्दको अभियान प्रशिक्षक प्रशिक्षण तालिम (Fight Against Narcotics Instructor Training) तेस्रो समुहको समापन भएको छ । चैत्र २१ गते बिहान कोशी प्रदेश प्रहरी कार्यालय विराटनगरको सभाहलमा तालिम संयोजक प्रहरी नायव उपरीक्षक दुर्गा प्रसाद दाहालले तालिमको उद्घाटनको क्रममा तालिमको औचित्य माथी प्रकाश पार्दै लागूऔषध दुर्व्यवसन बिरुद्ध अभियान FAN (Fight Against Narcotic) कार्यक्रमको माध्यमबाट दुर्व्यसन विरुद्ध सचेतनामा अभिवृद्धी गराई परिवार, समुदाय हुदै सिंगो राष्ट्रलाई दुर्ब्यसन मुक्त राष्ट्र निर्माण गर्ने उद्देश्यका साथ सहभागी प्रशिक्षार्थीहरुलाई प्रशिक्षक प्रशिक्षण तालिम प्रदान गरिएको बताउदै विषयगत प्रशिक्षण प्रदान गर्नु भएको थियो । उक्त तालिमको समापन कार्यक्रममा प्रमुख अतिथि प्रदेश प्रहरी प्रमुख प्रहरी नायव महानिरीक्षक राजन अधिकारीले समाजमा हुने बिभिन्न किसिमका अपराधहरुको रोकथाम गर्ने र समाजमा शान्ती सुरक्षा कायम राख्ने प्रमुख जिम्मेवारी पाएको नेपाल प्रहरीले बिश्लेषण र तथ्याङको आधारमा लागुऔषधको प्रयोग अपराधको प्रमुख कारक भएको देखिएकोले अपराधका घटनामा कमी ल्याउनको निम्ति दुर्व्यसन विरुद्धको प्रशिक्षक प्रशिक्षण तालिम प्रदान गरिएको बताउनु भयो । लागूऔषध दुर्व्यसन विरुद्धको अभियान (FAN) लाई व्यवस्थित तथा प्रभावकारी बनाउन तालिम प्राप्त दक्ष जनशक्ति तयार गर्ने उद्धेश्यका साथ FAN DESK मा रहने प्रहरी कर्मचारीहरुलाई प्रशिक्षक प्रशिक्षण तालिम दिईएको र बिशेष गरी युवाहरुलाई दुर्व्यसन विरुद्दको अभियानको लागी प्रशिक्षण प्रदान गरी योद्धा बनाई उनिहरुको अगुवाईमा सशक्तरुपमा दुर्व्यसन विरुद्ध कार्यक्रमहरु संचालन गर्न प्रशिक्षक प्रशिक्षार्थीहरुलाई हृदय देखि नै अनुरोध गर्नु भएको थियो । वहाँले कार्यक्रमहरुमा वितरण गर्नको लागी FAN लोगो अंकित टि-सर्ट जिल्ला प्रहरी कार्यालय झापा र उदयपुरबाट प्रशिक्षक प्रशिक्षणको लागी आउनु भएका प्रहरी अधिकृतहरुलाई हस्तान्तरण गर्नु भएको थियो । उक्त तालिममा कोशी प्रदेशका मातहत कार्यालयहरुमा कार्यरत प्रहरी निरीक्षक देखि प्रहरी जवान दर्जा सम्मका ३० जना प्रहरी कर्मचारीहरुको सहभागीता रहेको थियो ।

आगोलागी नियन्त्रण तथा उद्दार अनुशिक्षण तालिम प्रथम समुहको समापन

२०८१-१२-२१

कोशी प्रदेश कार्यालय विराटनगरको तत्वावधानमा चैत्र १३ गतेबाट संचालन भएको “आगोलागी नियन्त्रण तथा उद्दार अनुशिक्षण तालिम प्रथम समुहको चैत्र २१ गते समापन भएको छ । तालिममा सहभागी प्रशिक्षार्थी प्रहरी कर्मचारीहरुलाई ग्यास सिलिन्डरमा लागेको आगो निभाउने तरिका, फायर सुट र फायर बल प्रयोग गर्ने तरिका, आगलागी भएको स्थानमा भर्‍याङग चढ्ने, ओर्लिने तथा डोरीको प्रयोग गर्ने तरिका, बारुण यन्त्रको प्रयोग गरी आगो नियन्त्रण गर्ने तरिका, घरमा लागेको आगो निभाउने तरिका, शरिरमा लागेको आगो निभाउने तरिका, Fire extinguisher को प्रयोग बिधि लगायतका विषयहरुमा शैद्धन्तिक तथा प्रयोगात्मक अभ्यासहरु गराईएको थियो । प्रशिक्षार्थीहरुद्वारा गरिएका उक्त अभ्यासको प्रदेश प्रहरी प्रमुख प्रहरी नायव महानिरीक्षक राजन अधिकारी लगायत सिनियर प्रहरी अधिकृतहरुद्वारा अवलोकन गरिएको थियो । समापन कार्यक्रमका प्रमुख अतिथि अधिकारीले प्राकृतिक तथा मानविय त्रुटीका कारण हुने आगोलागीका घटनाहरु नियन्त्रण गर्न ठुलो चुनौती पुर्ण कार्य भएकोले आगो नियन्त्रणका क्रममा प्रयोग गरिने पोसाक तथा आवश्यक स्रोत साधानहरुलाई तालिममा सिकाए बमोजिम कार्यक्षेत्रमा दुरुस्त तरिकाले प्रयोग गरी आगोलागीबाट हुने भौतिक तथा मानविय क्षतिलाई न्युनिकरण गर्न उपस्थित सम्पुर्ण प्रशिक्षार्थीहरुलाई निर्देशन दिनु भएको थियो । कार्यक्रममा तालिम संयोजक प्रहरी नायव उपरीक्षक सुवास भट्टाराईले तालिम सम्बन्धी प्रतिबेदन पेश गर्नु भएको थियो । कोशी प्रदेश अन्तरगत रहेका बिभिन्न प्रहरी कार्यालयहरुमा कार्यरत जुनियर प्रहरी अधिकृत देखि प्रहरी जवान सम्मका तालिम प्राप्त ५० जना प्रहरी कर्मचारीहरुलाई आगलागीको घटनामा मानविय तथा भौतिक क्षेति न्यूनिकरणको लागि आवश्यक श्रोत साधन सहित परिचालन गरिने छ ।

अपरहणमा परेकी बालिकाको सकुशल उद्धार र संलग्न ब्याक्ति पक्राउ

२०८१-१२-२१

सुनसरीको कोशी गाउँपालिका-७ मुसहरी टोलका कुशेश्वर सदाको ४ बर्षीया छोरीको अपरहण भएको घटनाको २४ घंटा भित्र वालिकाको सकुशल उद्दार गरी अपहरणमा संलग्न व्यक्तिलाई प्रहरीले पक्राउ गरेको छ । पक्राउ पर्नेमा सप्तरी कन्चनरुप नगरपालिका-१२ धरमपुरका जितुवा भन्ने जितेन्द्र साह (हलुवाई) रहेका छन । चैत्र २० गते दिउँसो पौने २ बजे ४ बर्षीया छोरी घर अगाडि खेल्ने क्रममा अपरिचित मानिसले सिटि सफारीमा चढाई अपहरण गरी लगेको भनि जानकारी प्राप्त हुनासाथ जिल्ला प्रहरी कार्यालय सुनसरी र कोशी प्रदेश प्रहरी कार्यालय बिराटनगरको प्रादेशिक अनुसन्धान समुहबाट तत्काल प्रहरी टोली परिचालन गरी खोज तलासको क्रममा चैत्र २१ गते कोशी ब्यारेजको २६ नम्वर ढोकाको पुल माथिबाट वालिकालाई सकुशल उद्दार गरी आफन्तलाई जिम्मा लगाएको छ भने अपहरणमा संलग्न साहलाई नियन्त्रणमा लिएको हो । पक्राउ परेका साहको जिल्ला प्रहरी कार्यालय सुनसरीबाट थप अनुसन्धान तथा आवश्यक कानुनी कारवाही भइरहेको छ ।

लागूऔषध ओसार पसारमा संलग्न ७ जना पक्राउ

२०८१-१२-२०

उदयपुरको कटारी नगरपालिका-४ स्थितबाट नियन्त्रित लागूऔषध १० हजार ४ सय ६३ ट्याव्लेट र गाँजा १०० ग्राम सहित ओसार पसारमा संलग्न ७ जनालाई इलाका प्रहरी कार्यालय कटारीले पक्राउ गरेको छ । चैत्र १९ गते कटारी नगरपालिका-४ स्थित बजारमा लागू औषधको कारोवार भईरहेको भन्ने सुचनाको आधारमा खटिएको प्रहरी टोलीले ओसार पसारमा संलग्न रहेका कटारी-७ का २९ बर्षीय हरि बहादुर तामाङ, कटारी-८ का १९ बर्षीय भक्त बहादुर तामाङ, २५ बर्षीय सोम कृष्ण राई, कटारी-४ का २३ बर्षीय अनमोल मगर, २० बर्षीया आरती राउत, २३ बर्षीय सरद कुमार सुनुवार र १९ बर्षीय बिक्रम साशंकारलाई TRUPAIN TABLET- ४ हजार ४ सय ३१ चक्की, SPASPAIN TABLET- ५ हजार ९ सय १२ चक्की र TAPENTA TABLET- १२० चक्की, गाँजा १०० ग्राम, नगद २ लाख ४७ हजार ७ सय २० रुपैया र २ थान मोटरसाईकल सहित पक्राउ गरेको हो । लागूऔषध सहित पक्राउ परेका उनिहरुको इलाका प्रहरी कार्यालय कटारीबाट थप अनुसन्धान तथा आवश्यक कानूनी कारवाही भईरहेको छ ।

प्रतिबन्धित लागु पदार्थ सहित ८ जना प्रहरीको नियन्त्रणमा

२०८१-१२-२०

मोरङ र सुनसरीको बिभिन्न स्थानहरुबाट चैत्र १९ गते प्रतिबन्धित लागु पदार्थ सहित १० जनालाई प्रहरीले नियन्त्रणमा लिएको छ । लागुऔषध नियन्त्रण ब्युरो विराटनगरको प्रहरी टोलीले विराटनगर महानगरपालिका-१५ र १६ स्थितबाट सुनसरीको इटहरी उपमहानगरपालिका-५ का रोहित कार्कीलाई लागु पदार्थ स्कुफ-८ बोतल, मोरङको विराटनगर महानगरपालिका-१५ का ३७ बर्षीय प्रभात सिंह कटुवाललाई ब्राउन सुगर १ ग्राम ५ मिलिग्राम, मोरङको बेलबारी नगरपालिका-४ का ३० बर्षीय हर्कराज राई र ३० बर्षीय सुजन खवासलाई ५ ग्राम ६ मिलिग्राम ब्राउन सुगर सहित र बेलबारी -४ का २३ बर्षीय सरोज राईलाई ५ ग्राम २५ मिलिग्राम लागु पदार्थ ब्राउनसुगर सहित नियन्त्रणमा लिएको हो । यसैगरी इलाका प्रहरी कार्यालय धरानबाट चेकँजाचमा खटिएको प्रहरी टोलीले धरान उप-महानगरपालिका-११ का ४८ बर्षीय बिर बहादुर भुजेललाई ३ ग्राम ६६ मिलिग्राम ब्राउन सुगर, धरान-५ का २५ बर्षीय दिपेश लिम्बुलाई ट्याब्लेट-४ सय ६५ र क्याप्सुल ५ सय १५ सहित र अस्थायी प्रहरीबिट जोरसखुवाबाट खटिएको प्रहरी टोलीले धरान-१६ का १८ बर्षीय सुमन श्रेष्ठलाई ट्रामाडोल-२ सय ७ क्याप्सुल र प्रतिबन्धित औषधी स्पास्पेन-२ सय ६० चक्की सहित नियन्त्रणमा लिएको हो । प्रतिबन्धित लागु पदार्थ सहित पक्राउ परेका सबैजनाको सम्बन्धित प्रहरी कार्यालयहरुबाट थप अनुसन्धान भई रहेको छ ।