सुनसरी र मोरङको छुट्टाछुट्टै दुई स्थानमा सवारी दुर्घटना हुँदा दुई जनाको मृत्यु भएको छ । हिजो बेलुका साढे ५ बजे सुनसरीको बर्जु गाउँपालिका-५ देवानगंज बिराटनगर सडक खण्ड स्थितमा को. ६ प  ९३३३ नम्बरको मोटरसाईकलले पैदल यात्री स्थानीय ७० बर्षीय बेचुलाल शर्मालाई ठक्कर दिदा घाईते भएका शर्माको बिराटनगर गोल्डेन अस्पतालमा उपचारको क्रममा मृत्यु भएको हो । त्यसै गरी मोरङको उर्लाबारी नगरपालिका-७ स्थित पुर्व पश्चिम राजमार्गमा बागमती प्रदेश-०१-०२६ च ६२८८ नम्बरको कारले ठक्कर दिदा घाईते भएका स्थानीय ५६ बर्षीय बोधबिक्रम मुखियाको बिएण्डसी अस्पताल बिर्तामोडमा उपचारको क्रममा मृत्यु भएको हो । घटनामा संलग्न मोटरसाईकल चालक देवानगंज-३ का २८ बर्षीय बिनोद उराव र कार चालक भक्तपुर सुर्यबिनायक-९ का ३३ बर्षीय भाष्कर गुरागाँईलाई प्रहरीले नियन्त्रणमा लिई घटना सम्बन्धमा थप अनुसन्धान गरी रहेको छ ।