सुनसरीको ईटहरी उप-महानगरपालिका-१२ स्थित लोकमार्गमा मोटरसाईकलको ठक्करबाट साईकल यात्रीको मृत्यु भएको छ । हिजो दिउँसो सवा २ बजे खनारबाट ईटहरी तर्फ जादै गरेको को. २४ प ७३८९ नम्बरको मोटरसाईकलले साईकल यात्री स्थानिय ५० बर्षीय नेत्र अधिकारीलाई ठक्कर दिदा घाईते भई उपचारको लागि कोशी अस्पताल विराटनगर लगिएकोमा उनको उपचारको क्रममा  मृत्यु भएको हो ।  ठक्कर दिने मोटरसाईकल र चालक ईटहरी-११ का २० बर्षीय रोहन चौधरीलाई इलाका प्रहरी कार्यालय इटहरीले नियन्त्रणमा लिई घटना सम्बन्धमा थप अनुसन्धान गरिरहेको  छ ।