सुनसरीको इटहरी २० सेउती पुल नजिक भएको घटनामा संलग्न थप १ जना पक्राउ
२०८०-०४-२०
- A
- A-
- A+
सुनसरीको इटहरी उपमहानगरपालिका-२० सेउती पुल नजिक भएको घटनामा संलग्न रहेका थप १ जनालाई प्रहरीले पक्राउ गरेको छ । श्रावण ५ गते इटहरी-२० स्थितमा बिराटनगरका २८ बर्षिय रोहित चौधरीलाई गोली प्रहार गरी लुटपाटमा संलग्न रहेका धरान उपमहानगरपालिका-०४ का २७ बर्षिय ज्याङ्लो भन्ने युनेश राईलाई 7.65 MM को ८ राउण्ड गोली सहित पक्राउ गरिएको हो । श्रावण २० गते बिशेष सुचानाको आधारमा कोशी प्रदेश प्रहरी कार्यालय बिराटनगर (PIT) बाट खटिएको प्रहरी टोलीले राईको घर कोठामा खानतलासी गर्ने क्रममा लेडिज ब्याग भित्र प्लास्टिकमा पोको पारी लुकाई राखेको अवस्थामा 7.65 MM को ८ राउण्ड गोली बरामद गरेको हो । गोली सहित पक्राउ परेका राईको इलाका प्रहरी कार्यालय इटहरीबाट थप अनुसन्धान भईरहेको छ ।