मोरङको कटहरी गाउँपालिका-४ स्थित खोलामा डुबेर एक जना बालकको मृत्यु भएको छ । आज बिहान ६ बजे स्थानीय अजय साहको १० बर्षीय छोरा प्रेम कुमार साह सुखानी खोलामा नुहाउन गएकोमा सोहि खोलामा डुबेको भन्ने खबर प्राप्त भएसगै प्रहरी चौकी कटहरीबाट खटिएको प्रहरी टोली र स्थानियबासीको सहयोगमा उद्धार गरी उपचारको लागि कोशी अस्पताल बिराटनगर तर्फ पठाईएकोमा साहको बाटोमा नै मृत्यु भएको जिल्ला प्रहरी कार्यालय मोरङले जनाएको छ । घटना सम्बन्धमा थप अनुसन्धान भईरहेको छ ।