लागुऔषध ब्राउन सुगर सहित ६ जना पक्राउ
२०८०-०४-१२
- A
- A-
- A+
कोशी प्रदेश प्रहरी कार्यालय PIT र ईलाका प्रहरी कार्यालय रंगेलीबाट खटिएको प्रहरी टोलीले लागुऔषध ब्राउन सुगर सहित छ जनालाई पक्राउ गरेको छ । हिजो सुनसरीको धरान उप-महानगरपालिका- ८ स्थित लागुऔषध बिक्रि बितरण भईरहेको छ भन्ने बिशेष सुचनाको आधारमा कोशी प्रदेश प्रहरी कार्यालय बिराटनगर PIT समुहबाट खटिएको टोलीले स्थानीय २२ बर्षीय साजन बि.क.,३३ बर्षीय सिताराम तामाङ, ४२ बर्षीय जनक राई, ३५ बर्षीय रबिन बराईली र २४ बर्षीय आलोक मगरको साथबाट २ ग्राम ब्राउन सुगर फेला पारी नियन्त्रणमा लिएको हो । त्यसैगरी मोरङको रंगेली नगरपालिका-४ स्थित ईलाका प्रहरी कार्यालय रंगेलीबाट खटिएको प्रहरी टोलीले साईकल यात्री देश भारतका ७० बर्षीय भल्लु पासवानलाई संका लागि चेकजाँच गर्ने क्रममा उनको साथबाट ४ ग्राम ७ सय ९० मिलिग्राम ब्राउन सुगर फेला पारी पक्राउ गरेको हो । लागुऔषध सहित पक्राउ परेका उनिहरुको सम्बन्धित प्रहरी कार्यालयहरुबाट थप अनुसन्धान भईरहेको छ ।