मोटरसाईकल दुर्घटनामा १ जनाको मृत्यु
२०८०-०४-०९
- A
- A-
- A+
पाँचथरको फिदिम नगरपालिका -२ ओदिन स्थित मेची राजमार्गमा मोटरसाईकल अनियन्त्रित भई दुर्घटना हुदा १ जनाको मृत्यु भएको छ । हिजो दिउँसो साढे १ बजे ओदिन बाट फिदिमतर्फ आउदै गरेका झापाको बिर्तामोड नगरपालिका- ८ मेथिबारी घर भएका २४ बर्षिय युबराज अधिकारीले चलाएको प्र.१-०३-००१ ब ००१९ नंबरको मोटरसाईकल अनियन्त्रित भई सडकबाट अंदाजी ५ मिटर तल झरेर दुर्घटना भएक थियो । दुर्घटनामा परेर गम्भिर घाईते भएका उनलाई जिल्ला प्रहरी कार्यालय पाचँथरबाट खटिएको प्रहरीको टोलीले उद्दार गरी उपचारको लागी जिल्ला अस्पताल पाँचथर लगेकोमा उपचारको क्रममा मृत्यु भएको उक्त कार्यालयले जनाएको छ ।