प्रहरी चौकी बेनी सोलुखुम्बुको नव निर्मित भवनको उद्घाटन
२०८०-०२-३२
- A
- A-
- A+
कोशी प्रदेश प्रहरी प्रमुख प्रहरी नायव महानिरीक्षक राजेशनाथ बास्तोलाको प्रमुख आतिथ्यतामा सोलुखुम्बुको प्रहरी चौकी बेनिको नव निर्मित प्रहरी कार्यालय भवनको समुदघाटन भएको छ । आज दिउँसो आयोजित एक बिशेष कार्यक्रमका बिच कोशी प्रदेश प्रहरी प्रमुख प्रहरी नायव महानिरीक्षक राजेशनाथ बास्तोलाले शिलालेख अनावरण गरी भवनको बिधिवत रुपमा समुद्घाटन गर्नु भएको हो । नव निर्मित भवनको समुद्घाटन तथा निरीक्षण पश्चात कार्यक्रमलाई सम्बोधन गर्नु हुँदै वाहाँले सुबिधा सम्पन्न भवन प्राप्त भएसंगै थप जोश र उर्जाका साथ प्रहरी काम कारवाही गर्न प्रेरणा मिलेको र सुन्दर भवनमा बस्ने प्रहरी कर्मचारहरुले जनमैत्री प्रहरी सेवा प्रदान गर्नेमा आफु बिश्वस्त रहेको बताउन भयो । यसका साथै गास बास र कपासको उचित ब्यबस्थानले प्रहरी कर्मचारीमा थप मनोवल बृद्धि हुनुका साथै आम नागरिकमा प्रदान हुने प्रहरी सेवा समेत स्तरिय हुने धारणा ब्यक्त गर्दै कानूनको परिधिमा रही जन चाहना बमोजिमको प्रहरी सेवा प्रदान गर्न कार्यरत प्रहरी कर्मचारीहरुलाई निर्देशन समेत दिनु भयो ।
कार्यक्रममा प्रमुख अतिथी बास्तोलाले नयाँ भवन निर्माणको लागी प्रहरीलाई आफ्नो अमुल्य जग्गा प्रदान गर्नु हुने जग्गा दाता तथा भवन निर्माणमा सहयोग गर्नु हुने महानुभावहरुलाई सम्मान पत्र तथा प्रशंसा पत्रले सम्मान गर्नु भएको थियो । राष्ट्रिय पुन निर्माण प्राधिकरणको सहयोगमा बिनियोजित १ करोड ७९ लाख ३३ हजार ६ रुपैयाँको लागतमा प्रहरी चौकी बेनीको २ तले प्रहरी कार्यालय भवन , भान्साघर र शौचालयको निर्माण सम्पन्न भएको हो ।