मोरङको बिराटनगर महानगरपालिका-१८ बिराट राजाको दरबार स्थलबाट सुनसरीको बर्जुताल सम्म संचालन भएको हाफ म्याराथुन दौड प्रतियोगितामा महिला तर्फको ५ किलो मिटर दौडमा नेपाल प्रहरीकी रेखा बिष्ट पहिलो भएकी छिन । यसै गरी सशस्त्र प्रहरी बलकी सीमा थारु चौधरी दोस्रो र नेपाल प्रहरीकी तिर्सना कुमाल तेस्रो भएकि छिन । पुरुष तर्फको २३ किलो मिटर दौडमा नेपाल प्रहरीका १४ जना प्रहरी सहभागी भएका थिए ।

आज बिहान कोशी प्रदेश पर्यटन, बन तथा वातावरण मन्त्रालयको आयोजनामा मोरङ जिल्ला एथलेटिक्स संघको प्राविधिक सहयोगमा कोशी प्रदेशका पर्यटन, वन तथा वातावरण मन्त्री जीवन आचार्यको प्रमुख आतिथ्यमा संचालन भएको म्याराथुन दौड प्रतियोगितामा मोरङ जिल्लाका प्रमुख जिल्ला अधिकारी बिरेन्द्र कुमार यादव, प्रदेश प्रहरी प्रमुख प्रहरी नायव महानिरीक्षक राजेशनाथ बास्तोला, सशस्त्र प्रहरी नायव महानिरीक्षक अंजनी कुमार पोखरेल, राजमार्ग सुरक्षा ट्राफिक ब्यवस्थापन कार्यालय इटहरी, जिल्ला प्रहरी कार्यालय मोरङका प्रमुख तथा प्रहरी अधिकृतहरु लगायत राजनैतिक दल, बिभिन्न संघ संस्थाका प्रतिनिधि साथै पत्रकारहरुको उपस्थिति रहेको थियो ।