कोशी प्रदेश कार्यालय विराटनगरको तत्वावधानमा ७ कार्य दिनको “आगोलागी नियन्त्रण तथा उद्दार अनुशिक्षण तालिम प्रथम समुहको समुद्‍घाटन भएको छ । उक्त तालिममा सहभागी प्रशिक्षार्थीहरुलाई विपद व्यवस्थापन अन्तर्गत अग्नि नियन्त्रण सम्बन्धि सैद्धान्तिक तथा प्रयोगात्मक अभ्यास गराई आगलागीको घटनामा मानविय तथा भौतिक क्षेति न्यूनिकरणको लागि आवश्यक श्रोत साधन सहित परिचालन गरिने छ ।

चैत्र १३ गते कोशी प्रदेश प्रहरी कार्यालय बिराटनगरको सभाहलमा उद्‍घाटन भएको तालिममा सहभागी प्रशिक्षार्थीहरुलाई निर्देशन सम्वोधनको क्रममा तालिम संयोजक प्रहरी नायव उपरीक्षक सुवास भट्टाराईले मानव जीवनकै कठोरतम विपत्ती रहेको आगलागीको घटनाले मानवीय र भौतिक संरचनाको ठुलो क्षेति हुन सक्ने भएको र यसको उद्धार कार्य पनि निकै कष्टकर हुने हुँदा उद्धार कार्यमा खटिने प्रहरी कर्मचारीहरूलाई प्रयोगात्मक तथा सैद्धान्तिक ज्ञान, सिप तथा कौशल सम्बन्धी तालिम उपलव्ध गराई उद्धार कार्य प्रभावकारी बनाउन प्रहरी कर्मचारीहरुलाई तालिम प्रदान गरिएको बताउनु भयो । उक्त तालिममा कोशी प्रदेश अन्तरगत रहेका बिभिन्न प्रहरी कार्यालयहरुमा कार्यरत जुनियर प्रहरी अधिकृत देखि प्रहरी जवान सम्मका ५० जना प्रहरी कर्मचारीहरुको सहभागिता रहेको छ ।