मोबाईल तथा गरगहना चोरीमा संलग्न २ जनालाई पक्राउ गरिएको छ । पक्राउ पर्नेमा विर्तामोड नगरपालिका-५ का १८ बर्षिय कल्याण श्रेष्ठ र धरान उप-महानगरपालिका-२२ का २८ बर्षिय मन कुमार बि.क. रहेका छन् । २०७८ मंसिर २४ गते झापाको मेचिनगर नगरपालिका-९ का माधव प्रसाद घिमिरेको घरबाट नोकीया मोबाइल १ थान, संगीता लिम्बुको घरबाट  आईटेल कम्पनिको मोबाइल १ थान र शोभा देवी ढुंगानाको सुनका गरगहना चोरी भएको जानकारी प्राप्त हुनसाथ ईलाका प्रहरी कार्यालय धुलाबारीबाट तत्काल प्रहरी टोली खटी खोजतलास गर्ने क्रममा मेचीनगर नगरपालिका-१० बाट चोरी भएको गरगहना र मोबाईल सहित उनिहरूलाई पक्राउ गरेको हो । घटना सम्बन्धमा प्रहरीद्वारा थप अनुसन्धान भईरहेको छ ।