लागुऔषध सहित ६ जना पक्राउ

२०८१-०४-३२

A
A^-
A⁺

झापा, मोरङ, सुनसरी र धनकुटाबाट लागुऔषध सहित ६ जनालाई प्रहरीले पक्राउ गरेको छ । हिजो बेलुका मोरङको कानेपोखरी गाउँपालिका-३ स्थितमा इलाका प्रहरी कार्यालय पथरीबाट बिषेश सुचनाको आधारमा खटिएको प्रहरी टोलीले BR 38L9309 नम्बरको भारतीय मोटरसाईकल चालक २४ बर्षीय मिथलेस कुमार मण्डल, मोटरसाईकल पछाडी सवार रहेका २६ बर्षीय भस्कर कुमार शर्मा र २५ बर्षीय सौरव कुमार पासवानको साथबाट १० ग्राम ७०० मिलीग्राम ब्राउन सुगर फेला पारी तीनै जनालाई नियन्त्रणमा लिएको हो ।

त्यसै गरी प्रहरी चौकी तोपगाछी झापाबाट खटिएको प्रहरी टोलीले कमल गाँउपालिका-२ का ३८ बर्षीय जगत धिमाल र कमल गाउँपालिका-३ का ३५ बर्षीय कमल गुरुङलाई १ ग्राम ५०० मिलिग्राम ब्राउनसुगर, गाँजा १०० ग्राम र नगद १२ हजार ६०० रुपैँया सहित सोही स्थानबाट पक्राउ गरेको हो ।

यसका साथै प्रहरी चौकी लेगुवा धनकुटाबाट खटिएको प्रहरी टोलीले भोजपुर नगरपालिका- २ का ३० बर्षीय संगम राईलाई लागुऔषध गाँजा ४६० ग्राम, प्रतिबन्धित औषधी tramadol २६ क्यापसुल र coliban २८ ट्याब्लेट सहित पक्राउ गरेको हो भने प्रहरी चौकी रामनगर भुटाहाबाट खटिएको प्रहरी टोलीले BR11T1600 नम्बरको बेवारिसे अवस्थामा रहेको गाडी चेकजाँच गर्दा उक्त गाडी भित्रबाट २ सय २० किलोग्राम अवैध लागुऔषध गाँजा बरामद गरेको हो । बरामद भएका लागुऔषध र पक्राउ परेका उनिहरुको सम्बन्धित प्रहरी कार्यालयहरुबाट थप अनुसन्धान भईरहेको छ ।

सम्बन्धित समाचार

प्रतिवन्धित लागुऔषध सहित २ जना पक्राउ

२०८१-०५-३१

झापा र मोरङबाट प्रतिवन्धित लागुऔषध सहित २ जनालाई प्रहरीले पक्राउ गरेको छ । भदौ ३० गते झापाको मेचीनगर नगरपालिका-६ स्थितमा इलाका प्रहरी कार्यालय काँकरभिट्टाबाट खटिएको प्रहरी टोलीले चेकजाँचको क्रममा ताप्लेजुङ श्रीजंघा गाँउपालिका-२ का २७ बर्षीय बिशाल लिम्बुलाई १ ग्राम ५३० मिलिग्राम ब्राउन सुगर सहित र लागुऔषध नियन्त्रण व्युरो बिराटनगरको टोलीले बिराटनगर-१५ स्थितबाट मोरङ कानेपोखरीका २१ बर्षीय राहुल चौधरीलाई Nitrazepam Tablet २०० चक्की सहित पक्राउ गरेको छ ।

जुवा खेल्ने ९ जनाको समुह प्रहरीको नियन्त्रणमा

२०८१-०५-३१

मोरङको ग्रामथान गाउँपालिका-४ स्थितबाट जुवा खेल्ने ९ जनाको समुहलाई प्रहरीले पक्राउ गरेको छ । कोशी प्रदेश प्रहरी कार्यालय बिराटनगरको सुरक्षा सुनिश्चितता अभियान तथा नजिकिदै गरेको चाड पर्वलाई सुरक्षित बनाउने उद्धेश्य सहित बिशेष सुचनाको आधारमा कोशी प्रदेश प्रहरी कार्यालय विराटनगर तथा जिल्ला प्रहरी कार्यालय मोरङबाट संयुक्त रुपमा भदौ २९ गते राती ८ बजे परिचालन भएको टोलीले ग्रामथान-४ कटहरा टोल स्थित महिला समुहको सामुदायिक भवनमा (बाँसको टाठी र टिनको छाना भएको) जुवा खेलीरहेको अवस्थामा जुवा जन्य बस्तु र नगद रुपैया सहित नौ जनालाई पक्राउ गरेको हो । पक्राउ पर्नेहरुमा मोरङ ग्रामथान-४ का ५५ बर्षीय अहिलाल माझी, ग्रामथान-४ का ५९ बर्षीय शिवनारायण माझी, सुन्दरहरैंचा नगरपालिका-१ का ४५ बर्षीय जय किश्वर साह, सुन्दरहरैचा-१ का ५० बर्षीय जनक कुमार मास्के, सुन्दरहरैचा-३ का ३० बर्षीय प्रताप भन्ने ईच्छा राई, लेटाङ नगरपालिका- ९ का ३८ बर्षीय लोकनाथ सापकोटा, झापा दमक नगरपालिका-१० का ४६ बर्षीय ऋतुबर्ण नेम्वाङ, सुनसरी धरान उपमहानगरपालिका-१५ का ४५ बर्षीय युबक राई र महोतरी गौसाला नगरपालिका-१ का ४५ बर्षीय महेश साह रहेका छन । प्रहरीले जुवाको खालबाट कौडा १६ थान, तास १२ बुक, पाउडर २ बट्टा, कपडाको झोला २ थान, मोबाईल १५ थान र नगद १८ लाख ४९ हजार ५ सय रुपैया समेत बरामद गरेको छ । पक्राउ परेका उनिहरुको मुलुकी अपराध संहिता २०७४ बमोजिम जुवा सम्बन्धी कसुरमा जिल्ला प्रशासन कार्यालय मोरङबाट म्याद थप गरी इलाका प्रहरी कार्यालय बेलबारीबाट थप अनुसन्धान भई रहेको छ ।

बिद्युत सर्टभई करेन्ट लाग्दा १ जनाको मृत्यु

२०८१-०५-३१

झापाको गौरीगंज गाउँपालिका-२ स्थितमा सिटी सफारी चार्ज गर्ने क्रममा बिद्युत सर्टभई करेन्टलाग्दा १ जनाको मृत्यु भएको छ । हिजो बिहान सवा ९ बजे गौरीगंज-२ का ३३ बर्षीय महेश राजबंशीले आफ्नै घरमा सिटी सफारी चार्ज गर्ने क्रममा बिद्युत सर्ट भई करेन्ट लाग्दा घाईते भएका राजबंशीलाई तत्काल उपचारको लागी लाईफलाईन अस्पताल दमक लगिएकोमा अस्पताल पुर्‍याउनासाथ उनको मृत्यु भएको हो । घटना सम्बन्धमा इलाका प्रहरी कार्यालय गौरीगंजबाट थप अनुसन्धान भईरहेको छ ।

चोरीको ४ वटा मोटरसाईकल सहित चोरीमा संलग्न ४ जना पक्राउ

२०८१-०५-३१

धनकुटाको साँगुरीगढी गाउँपालिका-३ कमुवा खोला स्थितबाट चोरीको चारवटा मोटरसाईकल सहित चोरीमा संलग्न चार जनालाई प्रहरीले पक्राउ गरेको छ । पक्राउ पर्नेहरुमा धनकुटा साँगुरीगढी-३ का २३ बर्षीय सबिन याख्खा, ३४ बर्षीय सन्त कुमार श्रेष्ठ, २४ बर्षीय अमृत याख्खा र धनकुटा नगरपालिका-४ का १८ बर्षीय आयुस बिश्वकर्मा रहेका छन । भाद्र ३० गते सुनसरीको इलाका प्रहरी कार्यालय धरान र प्रहरी चौकी मुलघाट धनकुटाबाट संयुक्तरुपमा खटिएको प्रहरी टोलीले चेकजाँचको क्रममा मोटरसाईकल चोरीमा संलग्न रहेका उनिहरुलाई बिभिन्न मितिमा चोरी भएको को.२६ प ८३७३, बा.६७ प २४१७ नम्बरको पल्सर मोटरसाईकल र को.२८ प ७४७१, को.१७ प ९७१८ नम्बरको स्कुटर सहित पक्राउ गरेको हो । चोरीको मोटरसाईकल र स्कुटर सहित पक्राउ परेका उनिहरुको इलाका प्रहरी कार्यालय धरानबाट थप अनुसन्धान भईरहेको छ ।

सवारी दुर्घटनाहुँदा १ जनाको मृत्यु

२०८१-०५-३१

मोरङको बिराटनगर महानगरपालिका-१४ स्थितमा सवारी दुर्घटनाहुँदा मोटरसाईकल पछाडि सवार एक जनाको मृत्यु भएको छ । भाद्र ३० गते राती साढे १० बजे कोशी लोकमार्गमा प्रदेश १-०२-०४४ प ८०८५ नम्बरको मोटरसाईल सडक साईडमा रहेको UP 36 P 2891 नम्बरको ट्रकमा ठक्कर लाग्दा घाईते भएका मोटरसाईकल चालक बिराटनगर-१५ का १८ बर्षीय राजिव मण्डल र मोटरसाईकल पछाडि सवार रहेका बिराटनगर-१० का २५ बर्षीय कृष्ण मण्डलाई उपचारको लागी बिराट नर्सिङहोम बिराटनगर लगिएकोमा उपचारको क्रममा कृष्ण मण्डलको मृत्यु भएको हो । उक्त ट्रक र चालक भारत उत्तर प्रदेशका मक्सुद आलमलाई इलाका प्रहरी कार्यालय रानीले नियन्त्रणमा लिई घटना सम्वन्धमा थप अनुसन्धान गरीरहेको छ ।

पहिरो संगै झरेको ढुङ्गाले लागेर पिकअपमा सवार महिलाको मृत्यु

२०८१-०५-३०

ताप्लेजुङको फक्तालुङ गाउँपालिका-३ खेसेवा स्थितमा पहिरो संगै झरेको ढुङ्गाले लागेर पिकअपमा सवार एक महिलाको मृत्यु भएको छ । मृत्यु हुनेमा फक्तालुङ-३ की २६ बर्षीया निर्मला गुरुङ रहेकी छिन । भदौ २९ गते दिउँसो साढे २ बजे ताप्लेजुङ सदरमुकामबाट सामान बोकेर फक्तालुङ तर्फ जादै गरेको मे. १ ज १३६२ नम्बरको पिकअप गाडीलाई बाटो माथिबाट पहिरो संगै झरेको ढुङ्गाले किच्दा गुरुङ गम्भिर घाईते भएकि थिईन । घाईते उनलाई उपचारको लागी ताप्लेजुङ जिल्ला अस्पताल लैजादै गर्दा बाटैमा नै मृत्यु भएको थियो । पिकअप र चालक फाक्तालुङ-३ का रुपेश सुनुवारलाई जिल्ला प्रहरी कार्यलय ताप्लेजुङले नियन्त्रणमा लिई घटना सम्बन्धमा थप अनुसन्धान गरिरहेको छ ।