कोशी प्रदेश प्रहरी कार्यालय बिराटनगरको प्रादेशिक अनुसन्धान समुह (PIT) बाट खटिएको प्रहरी टोलीले दुई जना फरार प्रतिवादीलाई पक्राउ गरेको छ । फरार प्रतिवादी पक्राउ अभियान अन्तरगत खटिएको प्रहरी टोलीले चोरी मुद्दामा सम्मानित मोरङ जिल्ला अदालतको मिति २०८०/०३/०७ गतेको फैसला आदेशले ३ दिन  कैद र नगद ५ हजार जरिवाना तोकिएका बिराटनगर- ५ का २५ बर्षीय प्रदिप कुमार राय र सोही मुद्दामा ७ दिन कैद तथा नगद ५ हजार जरिवाना तोकिएका २१ बर्षीय दिपेश शर्मालाई खोजतलास गर्ने क्रममा गाउँघरमा नै लुकिछीपी बसेको अवस्थामा आज पक्राउ गरेको हो । पक्राउ परेका दुबै जनालाई सम्मानित जिल्ला अदालतमा उपस्थित गराईएकोमा तोकिएको कैद भुक्तानको लागी मोरङ जिल्ला कारागार पठाएको छ ।