संखुवासभाको भोटखोला गाउँपालिका- २ चेम्ताङबाट सालकको खपेटा सहित १ जनालाई प्रहरीले पक्राउ गरेको छ । हिजो साँझ ७ बजे प्रहरी चौकी चेपुवाबाट खटिएको प्रहरी गस्ती टोलीले गस्ती गर्दै जाने क्रममा ६।७ जनाको समुहले सेतो बोरामा भारी बोकी हिडिरहेकोमा उनिहरुले गस्तिमा खटिएको प्रहरी टोलीलाई देखि बोरा फाली भागेकोले प्रहरीले पछ्याउदै जाने क्रममा स्थानीय ३५ बर्षीय छिरिङ भोटेलाई पक्राउ गरेको र उक्त बोराहरु खोलेर हेर्दा बोराभित्र सालकको खपेटा रहेकोले उक्त खपेटा प्रहरीले बरामद गरेको हो । पक्राउ परेका भोटेको सम्बन्धमा थप अनुसन्धान भईरहेको तथा फरार रहेका अन्य व्याक्तिहरुको खोजतलास भईरहेको जिल्ला प्रहरी कार्यालय संखुवासभाले जनाएको छ ।