प्रतिवन्धित लागुऔषध सहित ४ जना पक्राउ
२०८०-०९-०१
- A
- A-
- A+
झापा, मोरङ र सुनसरीको छुट्टा छुट्टै स्थानबाट प्रतिवन्धित लागुऔषध ब्राउन सुगर, निषेधित औषधी र गाँजा सहित ४ जनालाई प्रहरीले पक्राउ गरेको छ । हिजो झापाको बिर्तामोड नगरपालिका-१ स्थित बसपार्कमा इलाका प्रहरी कार्यालय अनारमनीबाट खटिएको प्रहरी टोलीले चेकजाँचको क्रममा मेचीनगर नगरपालिका-१२ का ३० बर्षीय राजु बिश्वकर्मा र इलाम नगरपालिका-१ का २० बर्षीय दिपक दहाल समेतलाई २८ ग्राम ३७० मिलि ग्राम ब्राउन सुगर सहित पक्राउ गरेको हो ।
यसै गरी बिराटनगर-१५ स्थितमा भारतबाट नेपाल आउदै गरेका इटहरी-५ सुनसरीका २३ बर्षीय रोहन गुरुङलाई लागु औषध नियन्त्रण ब्युरो बिराटनगरबाट खटिएको टोलीले चेकजाँच गर्दा उनको साथबाट निषेधित औषधी २३ एम्पुल सहित नियन्त्रणमा लिएको हो ।
सोही दिन अस्थायी प्रहरी पोष्ट बिष्णुपादुका सुनसरीबाट खटिएको प्रहरी गस्ती टोलीले धरान-२० स्थितमा चेकजाँचको क्रममा को.२६ प २१३७ नम्वरको मोटरसाईकलमा ९ किलोग्राम गाँजा फेला परेकोले मोटरसाईकल चालक धनकुटा शहिदभूमी-१ का ४० बर्षीय रमेश राई समेतलाई पक्राउ गरेको हो । प्रतिवन्धित लागुऔषध सहित पक्राउ परेका उनिहरुको सम्वन्धित प्रहरी कार्यालयबाट थप अनुसन्धान भईरहेको छ ।