मोरङ जिल्लाको दुई स्थानबाट प्रतिबन्धित लागुऔषध ब्राउन सुगर र गाँजा सहित २ जनालाई प्रहरीले पक्राउ गरेको छ । हिजो बेलुका ५ बजे बिराटनगर महानगरपालिका-१६ स्थितमा लागुऔषध नियन्त्रण ब्युरो बिराटनगरबाट खटिएको प्रहरी टोलीले चेकजाँचको क्रममा भारतबाट नेपालतर्फ आउदै गरेका पैदल यात्री बिराटनगर-५ का ३० बर्षीय राजाराम कामतलाई ५२ मिलिग्राम ब्राउन सुगर सहित पक्राउ गरेको हो । यसै गरी  बिशेष सुचनाको आधारमा वडा प्रहरी कार्यालय बिराटनगरबाट खटिएको प्रहरी टोलीले बिराटनगर-५ कि २८ बर्षीया लक्ष्मी कामतको घर खानतलासी गर्दा १ किलो ३ ग्राम गाँजा  बरामद गरेको हो । लागुऔषध सहित पक्राउ परेका उनिहरुको थप अनुसन्धान भईरहेको छ ।