कोशी प्रदेश प्रहरी कार्यालय बिराटनगरको तत्वधानमा संचालन भएको ७ कार्य दिनको प्रहरी आचरण ब्यबहार तथा नैतिक शिक्षा सम्बन्धी तालिमको पाचौ समुहको समापन तथा छैठो समुहको समुद्घाटन भएको छ । कोशी प्रदेश प्रहरी कार्यालय बिराटनगरको सभाहलमा असोज १० गतेबाट संचालन भएको तालिमको आज प्रहरी वरिष्ठ उपरिक्षक जयराज सापकोटाको प्रमुख आतिथ्यतामा समापन भएको हो । कार्यक्रममा प्रमुख अतिथि सापकोटाले तालिमबाट सिकेका सिप, ज्ञानलाई कार्य क्षेत्रमा व्यवहारमा उतार्न प्रशिक्षार्थीहरुलाई निर्देशन दिनु भएको थियो । समापन भएको तालिममा २२ जनाको सहभागिता रहेको थियो भने आजबाट संचालन भएको सोही किसिमको तालिममा कोशी प्रदेशका बिभिन्न जिल्लामा कार्यरत जुनियर प्रहरी अधिकृत सहित प्रहरी जवान सम्मका २६ जना प्रहरी कर्मचारीहरुको सहभागिता रहेको छ ।