संखुवासभाको सभापोखरी गाऊपालिका ६ पात्ले दह स्थित सभाखोलाले बगाएका दुई बालक मध्ये एक जना मृत अबस्थामा फेला परेको छ भने अर्का बालक अझै बेपता भएका छन् । मृत्यु हुनेमा सोही स्थानका भक्त बहादुर बि.क.का ९ बर्षीय छोरा बिपन बि.क. रहेका छन् भने उनकै घरमा पाहुना आएका सभापोखरी गाऊपालिका १ का रहि बहादुर बि.क.को ८ बर्षीय छोरा रैतिन बि.क. बेपत्ता भएका छन् ।

आज दिउसो १ बजे उनिहरु नुहाउने क्रममा खोलाले बगाएको थियो । घटनाको जानकारी पाए लगतै प्रहरी चौकी बाह्रबिसेबाट प्रहरी टोली खटि गई खोजतलास बिपनलाई बगाएको स्थानबाट अन्दाजी ५०० मिटर तल मृत अबस्थामा फेला पारिएको छ भने अर्का बालक रैतिनको खोजतलास भईरहेको छ ।