पाँचथरको फालेलुङ गाउँपालिका-३ थोक्लिम्बामा नयाँ प्रहरी कार्यालयको स्थापना भएको छ । ग्रामिण क्षेत्रसम्म प्रहरीको सहज पहुँच र आन्तरिक शान्ति सुरक्षालाई थप मजवुत बनाउनाका लागी  उक्त स्थानको सुरक्षा स्थितिलाई मध्यनजर गर्दे नयाँ प्रहरी कार्यालयको स्थापना गरिएको हो । भाद्र १२ गते फालेलुङ गाउँपालिकाका अध्यक्ष बिरबिक्रम थाम्सुहाङको प्रमुख आतिथ्यता तथा पाँचथर जिल्लाका प्रमुख जिल्ला अधिकारी मेख बहादुर मंग्राती र जिल्ला प्रहरी कार्यालय पाँचथरका प्रहरी प्रमुख हरि खतिवडा लगायत अन्य सुरक्षा निकायका प्रमुख तथा प्रतिनिधिहरु, स्थानीय समाजसेवीहरु, स्थानीयवासीहरु लगायतको उपस्थितिमा नयाँ चौकी स्थापना गरिएको जिल्ला प्रहरी कार्यालय पाँचथरले जनाएको छ । उक्त स्थानमा हाल प्रहरी सहायक निरीक्षकको नेतृत्वमा ६ जना प्रहरी कर्मचारी खटाईएको र आवश्यकता अनुसार थप गर्दे लगिने छ ।