सुनसरीको ईटहरी उपमहानगरपालिका-६ स्थितमा मिनि ट्रकको ठक्करबाट साईकलयात्रीको मृत्यु भएको छ । सोमबार अपरान्ह ४ बजे पूर्व पश्चिम राजमार्गमा पूर्वबाट पश्चिमतर्फ जाँदै गरेको बा २ क ७८६४ नम्बरको मिनि ट्रकले सोहि दिशातर्फ जाँदै गरेका साईकलयात्री ईटहरी उपमहानगरपालिका १७ बस्ने बर्ष ५२ को केशव कुमार कार्किलाई ठक्कर दिदा घाईते भएका उनको उपचारको क्रममा धरानको घोपामा मृत्यु भएको हो । साईकल,मिनि ट्रक र ट्रक चालक मकवानपुर ७ बस्ने बर्ष ४० को ज्ञान बहादुर सिङ्ताङलाई ईलाका प्रहरी कार्यालय ईटहरीले नियन्त्रणमा लिई थप अनुसन्धान भईरहेको ईलाका प्रहरी कार्यालय इटहरीले जनाएको छ ।