संखुवासभा र मोरङ बिभिन्न स्थानमा सवारी दुर्घटना हुँदा दुई जनाको मृत्यु भएको छ । हिजो संखुवासभाको खाँदबारी नगरपालिका-८ बिष्णुधारा स्थितमा ट्याक्टर ग्यारेजबाट ब्याग गरी सडक तर्फ निकाल्ने क्रममा सडकमा हिडिरहेको पैदल यात्री  खाँदबारी-१ ढोलबाजेका ६३ बर्षीय यज्ञ बहादुर तामाङ उक्त ट्याक्टरमा अचानक ठोकि घाईते भई उपचारको लागि जिल्ला अस्पताल खाँदबारी लगिएकोमा उनको मृत्यु भएको हो । त्यस्तै मोरङको केराबारी गाउँपालिका-७ मुगु खोलाको पुल स्थितमा को १ त ६२३९ नम्बरको ट्याक्टर आफै अनियन्त्रित भई पुलबाट अन्दाजि १० मिटर तल झरी दुर्घटना हुँदा घाईते भएका चालक केराबारी-६ का १९ बर्षीय समिर बिश्वकर्माको उपचारको क्रममा धरान घोपामा मृत्यु भएको हो भने घाईते भएका सहचालक ३५ बर्षीय भिम बहादुर बिश्वकर्मा र २१ बर्षीय सैलेस तामाङको उपचार भईरहेको छ । घटना सम्बन्धमा थप अनुसन्धान भईरहेको सम्बन्धित प्रहरी कार्यालयहरुले जनाएको छ ।