झापाको दमक नगरपालिका-३ बेलडाँगी भुटानी शरणर्थी शिविर स्थितबाट प्रतिबन्धित लागुऔषध ब्राउन सुगर सहित छ जनालाई प्रहरीले पक्राउ गरेको छ । हिजो साँझ ६ बजे लागुऔषध बिक्री वितरण भईरहेको छ भन्ने गोप्य सुचनाको आधारमा प्रहरी चौकी बाघखोर र सशस्त्र प्रहरी बल सुरक्षा बेस क्याम्प बेलडाँगीबाट खटिएको प्रहरी टोलीले स्थानीय ४१ बर्षीया निर्पा राई र ३२ बर्षीय सन्जोग गुरुङको साथबाट ६ ग्राम ब्राउन सुगर फेला पारेसगै लागुऔषध सेवानकर्ताहरु १९ बर्षीय मन्दिप दर्जी, १९ बर्षीय अविराज गुरुङ, २३ बर्षीय मिलन गुरुङ र २४ बर्षीया दिलु तामाङलाई पक्राउ गरी उनिहरुको साथबाट २ थान मोबाईल समेत बरामद गरेको हो । पक्राउ परेको उनिहरुको ईलाका प्रहरी कार्यालय दमकबाट थप अनुसन्धान भईरहेको छ ।