कोशी प्रदेश प्रहरी प्रमुख प्रहरी नायव महानिरीक्षक राजेशनाथ बास्तोलाले तेह्रथुमको  ईलाका प्रहरी कार्यालय बसन्तपुर र संखुसभाको प्रहरी चौकी टुटे देउरालीको निरीक्षण भ्रमण गर्नु भएको छ । निरीक्षण भ्रमणको क्रममा वहाँले शाखाहरुको निरीक्षण गर्नु भई  उपस्थित सम्पुर्ण प्रहरी कर्मचारीहरुलाई निर्देशन दिनु भएको छ ।

निरीक्षण पश्चात सम्पुर्ण प्रहरी कर्मचारीहरुलाई निर्देशन सम्बोधन गर्नुहुदै  बास्तोलाले जस्तोसुकै विषम परिस्थितमा पनि विचलित नभई समाजमा शान्ति सुरक्षा तथा आ-आफ्नो जिम्मेवारी ईलाकाहरुमा हुने घटित अपराधको रोकथाम गरी आम नागरिकहरुमा सचेतना फैलाउनुका साथै  नागरिक मैत्री प्रहरी सेवा प्रवाह गर्न  निर्देशन दिनुभयो ।

निर्देशनको क्रममा वहाँले सम्पुर्ण प्रहरी कर्मचारीहरु नमुनाको रुपमा रही बोली व्यवहारमा नम्रता-शिष्टता एवम व्यावसायिक र कानुनको उल्लघंन नगरी कार्य गर्न समेत निर्देशन दिनुका साथै शोषित, पिडित, असहाय, गरिव, जेष्ठ नागरिक तथा पिडामा परेका व्यक्तिहरुको पिर मार्का र समस्यालाई प्राथमिकताका साथ प्रहरी सेवा प्रदान गर्न, सभ्य र शिष्ट भाषा प्रयोग गरी आम सेवाग्राहीहरुसँग समान व्यवहार गर्न तथा तालुक कार्यालयबाट भएका आदेश निर्देशनलाई तल्लो दर्जाका कर्मचारी समेतलाई जानकारी गराई अक्षरस पालना गर्न गराउन निर्देशन दिनु भएको छ ।