मोरङको कटहरी गाउँपालिका-४ रङगेली सडक खण्डमा आईतवार राती मोटरसाईकल दुर्घटना हुँदा चालकको मृत्यु भएको छ । पूर्वबाट पश्चिम तर्फ जाँदै गरेको २५३० नम्बरको मोटरसाईकल उक्त सडक खण्डको जुडिपुलमा आफै अनियन्त्रीत भई दुर्घटना हुँदा घाईते भएका मोटरसाईकल चालक धनपालथान गाउँपालिका-७ का ३७ बर्षीय मुकेश यादवको उपचारको क्रममा कोशी अस्पताल बिराटनगर मृत्यु भएको तथा घटना सम्बन्धमा थप अनुसन्धान भईरहेको जिल्ला प्रहरी कार्यालय मोरङले जनाएको छ ।