मोरङको छुट्टा छुट्टै स्थानबाट प्रतिबन्धित लागुऔषध गाँजा र ब्राउन सुगर सहित दुई जनालाई प्रहरीले पक्राउ गरेको छ । हिजो अपरान्ह साढे ४ बजे मोरङको बेलबारी नगरपालिका- १ गुम्बा लाईन स्थितमा लागुऔषध गाँजा बिक्रीबितरण भईरहेको छ भन्ने बिशेष सुचनाको आधारमा ईलाका प्रहरी कार्यालय बेलबारीबाट खटिएको प्रहरी टोलीले शुक्र बहादुर राईको घरमा डेरा गरि बस्दै आएकी २९ बर्षीय हिरा राईको कोठामा खानतलासी गर्दा उक्त कोठाबाट लुकाई छिपाई राखेको अवस्थामा १० के.जि. ३ सय ४४ ग्राम लागुऔषध गाँजा र नगद ५२ हजार ५ सय रुपैया प्रहरीले बरामद गरेसगै राईलाई पक्राउ गरेको हो । त्यसै गरी बिराटनगर महानगरपालिका- १५ ढाट स्थितमा लागुऔषध नियन्त्रण ब्युरो बिराटनगरबाट खटिएको प्रहरी टोलीले भारतबाट नेपाल तर्फ आउदै गरेको को १८ प १०९५ नम्बरको मोटरसाईकललाई चेकजाँज गर्दा ढुङ्गे साँगु गाउँपालिका – १ ताप्लेजुङका ३३ बर्षीय कालु सिंह लिम्बुको साथबाट १.२८ ग्राम ब्राउन सुगर फेला पारी पक्राउ गरेको हो ।  प्रतिबन्धित लागुऔषध गाँजा सहित पक्राउ परेका राई र ब्राउन सुगर सहित पक्राउ परेकी लिम्बुको सम्बन्धित कार्यालयहरुबाट थप अनुसन्धान भईरहेको छ ।