धनकुटाको महालक्ष्मी नगरपालिका-५ का २२ बर्षीय निरज कट्वाललाई हत्याको आरोपमा जिल्ला प्रहरी कार्यालय धनकुटाले पक्राउ गरेको छ । यही फागुन ११ गते राती स्थानिय ७० बर्षीय बर्षीय मान बहादुर बस्नेत आफ्नै घरमा मृत अवस्थामा रहेको सूचना पाए संगै जिल्ला प्रहरी कार्यालय धनकुटाबाट प्रहरी टोली खटि गई अनुसन्धान शुरु गरेको थियो । मृतक बस्नेतको धारीलो हतियार प्रयोग गरी टाउको समेत छुट्याएको अवस्थामा शरिरको भाग मात्र फेला पारेको प्रहरी टोलीले थप अनुसन्धान गर्ने क्रममा मृतकको टाउको घटनास्थल देखी करिव साँढे १ किलोमिटर पुर्व रहेको कुसुमबोटे खोला किनाराना ढुङगाले किचेर फालेको अवस्थामा फेला पारेको थियो ।  यसरी शरिर र टाउकोको भाग छुट्टाछुट्टै अवस्थामा फेला परेको जघन्य हत्याको सम्बन्धमा सुक्ष्म अनुसन्धान थालेको प्रहरी टोलीले घटनामा संग्लग्न रहेको आरोपमा मृतकको भान्जा नाता पर्ने स्थानीय २२ बर्षीय कट्वाललाई पक्राउ गरेको हो । हत्या आरोपमा पक्राउ परेका कट्वालको सम्बन्धमा जिल्ला प्रहरी कार्यालय धनकुटाले थप अनुसन्धान गरिरहेको छ ।