उदयपुरको कटारी नगरपालिका-१० पालसिंह भित्री सडकखण्डमा दुर्घटनाबाट १ जनाको मृत्यु भएको छ भने ५ जना घाईते भएका छन् । आज बिहान रुपाटारबाट कटारी तर्फ आउदै गरेको प्रदेश २-०१-००१ च ००५० नम्बरको बोलेरो गाडी आफै अनियन्त्रित भई दुर्घटना हुँदा घाईते भएका ताप्ली गाउँपालिका-१ का ६५ बर्षीय मिन बहादुर सार्कीको उपचारको  क्रममा कटारी अस्पतालमा मृत्यु भएको हो भने घाईते भएका ताप्ली- २ का ३० बर्षीय फडिन्द्र श्रेष्ठ, ७ बर्षीय भवानी श्रेष्ठ, २ बर्षीय भुमिका श्रेष्ठ, ताप्ली- ५ का २३ बर्षीय सुमित्रा गिरि र ताप्ली- ४ का ४५ बर्षीय झगड बहादुर बिश्वाकर्मको सोही अस्पतालमा उपचार भईरेको ईलाका प्रहरी कार्यालय कटहरीले जनकारी दिएको छ । घटनामा संलग्न रहेको चालक ईश्वर नारायण श्रेष्ठलाई प्रहरीले नियन्त्रणमा लिई घटना सम्बन्धमा थप अनुसन्धान भईरहेको छ ।